ब्रोकरले असूल्दै आएका चर्को कमिसन घटाउने तयारी अर्थमा गएर तुहियो, प्रतिवेदन रद्दीको टोकरीमा

Nabil Bank Limited
ब्रोकरले असूल्दै आएका चर्को कमिसन घटाउने तयारी अर्थमा गएर तुहियो, प्रतिवेदन रद्दीको टोकरीमा
Global IME Bank Limited

काठमाण्डौ । अर्थमन्त्रालयले चासो नदिएपछि सेयर कारोबार गर्दा लगानीकर्ताहरुले ब्रोकरलाई तिर्दै आएको चर्को कमिसन तत्कालका लागि नघट्ने देखिएको छ ।  

अर्थमन्त्रालयका अधिकारीहरु लाखौं लगानीकर्ताहरुको हितलाई बिर्सिएर सीमित संख्याका ब्रोकरहरुको हितमा मात्र केन्द्रीत हुँदा ब्रोकर कमिसन घटाउने गरी अन्तिम अवस्थामा पुगेको तयारी समेत तुहिएको छ । अब ब्रोकर कमिसन तत्काल घट्ने सम्भावना टरेको छ ।  

नेपाल धितोपत्रबोर्ड (सेबोन)ले गत कात्तिक १ गते सेयर कारोबार बापत लगानीकर्ताबाट धितोपत्र दलाल कम्पनी (ब्रोकर) र आफूले लिँदै आएको कमिसन १० प्रतिशतले घटाउने निर्णय गरेको थियो ।

तर यो निर्णय अर्थ मन्त्रालयको घर्रामा ४ महिनादेखि रद्दीको कागजको हैसियतमा रहेको छ ।  

नेपाल धितोपत्र बोर्डका प्रवक्ता मुक्तिनाथ श्रेष्ठले निर्वतमान अध्यक्ष रमेशकुमार हमाल हुँदा नै निर्णय गरेर अर्थमन्त्रालय पठाइएको तर स्वीकृति भएर नआएको जानकारी दिए ।  

अर्थस्थित स्रोतहरुले कसिमन घटाउने विषय अर्थमन्त्रीदेखि अर्थसचिव र अन्य उच्च तहका कर्मचारीहरुको प्राथमिकतामा नै नपरेको दाबी गरे । 

Sagarmatha Cement
Muktinath Bikas Bank Limited
Shivam Cement

धितोपत्र बोर्डको कमिसन घटाउने निर्णयप्रति स्टक ब्रोकरहरुले भने त्यही बेला नै असन्तुष्टि जनाएका थिए । त्यही बेला नै नयाँ ब्रोकरहरुको छाता संगठन धितोपत्र ब्रोकर एसोसिएसनका अध्यक्ष सागर ढकालले धितोपत्र बोर्डले बिनाअध्ययन नै ब्रोकर कमिसन घटाउने निर्णय गरेको बताएका थिए । ‘हामीले १ वर्ष हेर्नुहोस्, हामी भर्खरै आएका छौँ भनेका थियौँ । तर, धितोपत्र बोर्डका अधिकारीहरु मान्नु भएन । हामी आउनेबित्तिकै कमिसन घटाउने निर्णय भएको छ, यो राम्रो भएन’, ढकालले भनेका थिए, ‘धितोपत्र बोर्डले कमिसनका विषयमा अध्ययन गर्न कमिटी पनि बनाएको थियो। तर, कमिटीले हामीलाई छलफलमा बोलाएन । त्यसैले हामी धितोपत्र बोर्डको यो निर्णयप्रति असन्तुष्ट छौँ।’  

एक पुराना ब्रोकर सञ्चालकले पनि यही समयमै कमिशन घटाउने विषयमा सार्वजनिक रुपमै असन्तुष्टि व्यक्त गरेका थिए ।  

नेपाल सेयरधनी संघका का एक पदाधिकारीले ब्रोकर कमिसन घटाउने विषय अर्थमन्त्रलयमा नै अड्किनु मिलिमतो भएको आरोप लगाए ।  ब्रोकर एशोसियसन र  अर्थमन्त्रलयबीच मिलिमतो हुँदा धितोपत्र बोर्डले गरेको प्रस्ताव अर्थ मन्त्रालयमा थन्किएको उनको आरोप छ ।  

ब्रोकर हाउसमा भेटिएका एक लगानीकर्ताले हाल नयाँ र पुराना २ वटा  ब्रोकर संस्था भएता पनि आफूलाई फाइदा हुने व्यावसायिक अजेण्डामा भने एक रहेको आरोप लगाए । उनले भने ‘उनीहरु दुई फरक–फरक ठाउँमा दर्ता भएर चलेका संस्था छन्, तर अजेण्डमा भने एक नै देखियो । कसैले पनि लगानीकर्ताको हित हेरेनन् । ’


Nepal Investment Mega Bank Limited
CG Motors
Mahalaxmi Development Bank
Shikhar Insurance
IME remit

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.