Nabil Bank Limited
Nabil Bank Limited
Bizshala

बीमा कम्पनीहरुले लाभांश दिन किन गर्दैछन् कन्जुस्याई ? नेपाल लाइफसहित ६ कम्पनीले बनाए सेयरधनीलाई हिस्स

Global IME Bank Limited
बीमा कम्पनीहरुले लाभांश दिन किन गर्दैछन् कन्जुस्याई ? नेपाल लाइफसहित ६ कम्पनीले बनाए सेयरधनीलाई हिस्स
Nabil Bank Limited

काठमाण्डौ । बीमा कम्पनीहरुको लाभांश घोषणा सिजन सुरु भइसकेको छ । हालसम्म १४ बीमा कम्पनीले लाभांश सम्बन्धी निर्णय गरिसकेका छन् ।  

जसमध्ये ६ बीमा कम्पनीले सेयरधनीहरुलाई लाभांश प्रदान नगर्ने निर्णय गरेका छन् । नेपाल लाइफ इन्स्योरेन्सहित ६ बीमा कम्पनीले मुनाफाबाट सेयरधनीहरुलाई लाभांश नबाँड्ने निर्णय गरेका छन् ।  

Sagarmatha Cement
Muktinath Bikas Bank Limited

पछिल्लो समय बीमा कम्पनीहरुको लाभांश दर तथा क्षमता घट्दै जाँदा धितोपत्र दोस्रो बजारमा बीमा कम्पनीको सेयरमा समेत लगानीकर्ताको आकर्षण घट्दो छ ।  

वर्षेनी उत्कृष्ट प्रतिफल बाँड्दै आइरहेको नेको इन्स्योरेन्स र नेपाल लाइफले समेत आफ्ना सेयरधनीहरुलाई लाभांश नबाँड्ने निर्णयले राम्रा कम्पनीको लाभांश क्षमता घट्दै गइरहेको लगानीकर्ताहरुले अनुमान लगाइरहेका छन् ।  

नेपाल लाइफ, नेको इन्स्योरेन्स, हिमालयन लाइफ, सानिमा रिलायन्स लाइफ, आइजीआई प्रुडेन्सियल इन्स्योरेन्स र सानिमा जिआईसी इन्स्योरेन्सले सेयरधनीलाई प्रतिफल नदिने निर्णय गरेका छन् ।  

नेप्सेमा १२ जीवन बीमा, १२ निर्जीवन बीमा र दुई पुनर्बीमा कम्पनी गरी कुल २६ बीमा कम्पनी सूचीकृत छन् । अझैपनि १२ बीमा कम्पनीले लाभांश सम्बन्धी निर्णय घोषणा गर्न बाँकी छ । ८ कम्पनीले सेयरधनीलाई प्रतिफल दिने निर्णय गर्दा ६ कम्पनीले भने सेयरधनीलाई हिस्स बनाएका छन् । जसमा तीन जीवन बीमा कम्पनी छन् भने तीन निर्जीवन बीमा कम्पनी ।  

आइजीआई प्रुडेन्सियल इन्स्योरेन्सको गत पुस २९ गते बसेको सञ्चालक समितिको बैठकले गत आवको मुनाफाबाट कुनै पनि लाभांश वितरण नगर्ने र उक्त आवको वित्तीय विवरण नेपाल बीमा प्राधिकरणबाट स्वीकृत भएपछि साधारण सभामा पेश गर्ने निर्णय गरेको छ ।  

त्यस्तै, साविक युनियन, प्राइम र गुराँस लाइफ एकापसमा मर्ज भई बनेको हिमालयन लाइफ इन्स्योरेन्सले पनि आफ्ना सेयरधनीहरुको हात रित्तो बनाएको छ । जीवन बीमा व्यवसायमा उल्लेख्य प्रगति गरे पनि कम्पनीले सेयरधनीहरुलाई निराश बनाएको छ ।

कम्पनीले अघिल्लो आवको सञ्चित मुनाफा सेयरधनीहरुलाई वितरण नगरि रिजर्भमा राख्ने बताएको छ । कम्पनीले आर्थिक वर्ष २०७८/७९ को वार्षिक प्रतिवेदनसमेत साधारण सभाबाट पारित गरिसकेको छ ।  

 त्यस्तै, नेको इन्स्योरेन्सले पनि गत आर्थिक वर्षको मुनाफाबाट सेयरधनीहरुलाई प्रतिफल नबाँड्ने निर्णय गरेको छ । कम्पनीले सञ्चित मुनाफा रिजर्भ फण्डमा राखेर सेयरधनीलाई लाभांश नबाँड्ने निर्णय गरेको हो । कम्पनीले सो आवको वार्षिक प्रतिवेदन समेत वार्षिक साधारण सभाबाट पारित गरिसकेको छ ।  

यता सानिमा रिलायन्स लाइफले पनि अघिल्लो आवको मुनाफाबाट लाभांश नबाँड्ने निर्णय गरी साधारण सभाबाट वार्षिक प्रतिवेदन, तथा सम्पूर्ण वित्तीय विवरण पारित गरिसकेको छ ।  

साथै सानिमा जिआइसी इन्स्योरेन्सले पनि आर्थिक वर्ष २०७९/८० को मुनाफाबाट आफ्ना सेयरधनीलाई कुनै खालको लाभांश नबाँड्ने निर्णय गरेको छ । कम्पनीले संचित मुनाफा जगेडा कोषमा संचित गरी राख्ने निर्णय गरेको छ ।  

साथै जीवन बीमा कम्पनीहरुमा सबैभन्दा धेरै व्यवसाय गर्ने नेपाल लाइफले पनि आर्थिक वर्ष २०७८/७९ को मुनाफाबाट कुनै खालको लाभांश नबाँड्ने निर्णय गरेको छ । कम्पनीले एफपीओको प्रिमियममा लाग्ने भूतप्रवाही कर तिरेका कारण सो आर्थिक वर्षका लागि सेयरधनीलाई लाभांश नबाँड्ने निर्णय गरेको कम्पनीले जनाएको छ । कम्पनीले गत आर्थिक वर्षको मुनाफाबाट भने लाभांश घोषणा गर्न बाँकी नै छ ।  

नेपाल बीमा प्राधिकरणको निर्देशन बमोजिम बीमा कम्पनीहरुले आर्थिक वर्षभरी आर्जित मुनाफाको केही प्रतिशत जगेडा कोषमा सञ्चित गर्नुपर्ने व्यवस्था छ । बीमा व्यवसायमा सुधार देखिएपनि बीमा कम्पनीहरुको लाभांश क्षमता भने घट्दै गइरहेको देखिन्छ ।

Nepal Investment Mega Bank Limited

यो पनि हेर्नुहोस

Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.