_New.gif)
.gif)
.png)
काठमाण्डौ । इष्टर्न हाईड्रोपावर लिमिटेड ७२.५४ प्रतिशतले नाफा बढाउन सफल भएको छ । कम्पनीले चालु आवको दोस्रो त्रैमाससम्म १ करोड ३७ लाख रुपैयाँ खुद नाफा आर्जन गरेको छ । अघिल्लो आवमा कम्पनीको नाफा ७९ लाख ८१ हजार रुपैयाँमा सीमित थियो ।
कम्पनीको नाफा बढेपनि आम्दानी भने ४.४१ प्रतिशतले घटेको छ । कम्पनीले समीक्षा अवधिसम्म ७ करोड ५९ लाख रुपैयाँ आम्दानी गरेको छ । अघिल्लो आवको दोस्रो त्रैमाससम्म ३ करोड ३२ लाख रुपैयाँ रहेको कम्पनीको कुल खर्च घटेर २ करोड ६७ लाख रुपैयाँमा सीमित भएको छ । कम्पनीको वित्त खर्च पनि ३ करोड १ लाख बाट घटेर २ करोड ७२ लाख रुपैयाँमा झरेको छ ।
कम्पनीको अल्पकालिन ऋण २ करोड ६१ लाख र दीर्घकालिन ऋण ६४ करोड ९१ लाख रुपैयाँ रहेको छ ।
त्यस्तै कम्पनीको रिजर्भ तथा बचतको आकार भने १४ करोड ९० लाख रुपैयाँले ऋणात्मक अवस्थामा छ । कम्पनीको नगद मौज्जाद ३ करोड ३१ लाख रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)२.२२ रुपैयाँ,प्रतिसेयर नेटवर्थ ७५.९६ रुपैयाँ,प्रतिसेयर कुल सम्पत्तिको मूल्य १८९.७५ रुपैयाँ,मूल्य आम्दानी अनुपात २०८.४५ गुणा र तरलता अनुपात १.५७ गुणा कायम भएको छ ।
.png)
(1).jpg)
.jpg)
.png)
.gif)
