_New.gif)
.gif)
.png)
काठमाण्डौ । सधैको साता झै आज पनि हामीले विभिन्न ब्रोकर हाउसमा पुगेर लगानीकर्ताहरुको विचार सुन्ने र बुझ्ने कार्यलाई निरन्तरता दिएका छौं । यसै सिलसिलामा आज हामी बिहान ११ बज्दा नबज्दै पुतलीसडकमा रहेको केही ब्रोकर हाउसमा पुगेका थियौ । सर्वप्रथम हामी श्वेता सेक्युरिटिज स्टक ब्रोकर नम्बर २५ मा पुग्यौं । ब्रोकर हाउसमा फोनको घण्टी बजिरेहेको थियो । लगानीकर्ताहरुको उपस्थिति सामान्य थियो ।
त्यहाँ भेटिएका एक लगानीकर्ताले बजारमा अर्ब–अर्बमा खेल्ने ठूला खेलाडीहरुले चल खेल गर्ने गरेको बताए । उनीहरु नै घटाउँछन् उनीहरुले नै बढाउँछन् । उनले भने हामीले त बीचमा च्याखें थाप्ने मात्रै हो । ती लगानीकर्ता फेरी हाँस्दै भने,‘बजार बढेको बेला त बेच्नु पर्छ । नत्र त फेरी घट्दा सेयर किन्ने पैसा नै हुन्न ।’ यसो भन्दै उनी उठेर ब्रोकरको ट्रेडिङ शाखातर्फ लागे । यस बेला सम्म दिनको १२ बज्दै थियो । कारोबार पनि करीब एक अर्ब नजिक पुगेको थियो ।
केही समयको बसाई पछि हामी अनामनगरमा रहेको प्रिमिएर सेक्युरिटिज स्टक ब्रोकर न. ३२ मा पुग्यौं । यहाँ लगानीकर्ताहरुको उपस्थिति राम्रै थियो । लगानीकर्ताहरु बजार हेर्न मस्त थिए । यसै क्रममा ब्रोकरमा भेटिएका एक लगानीकर्ताले भने ‘हिमालयन रि– इन्स्योरेन्सको त बोनस र ८० प्रतिशत हकप्रदले पनि अझै पूँजी नपुग्ने रहेछ । उनी सँगै बसेका अर्का लगानीकर्ताले भने,‘दिन्छ कागज(हकप्रद तथा बोनस), लान्छ पैसा ।’
यस्तै ब्रोकरमा भेटिएका अर्का एक लगानीकर्ताले नबिल बैंक इतिहासमा नै सबैभन्दा तल आएको बताए । उनीसँगै बसेका एक लगानीकर्ताले भने,‘यही बैंकको सेयरबाट काठमाण्डौमा घर बनाउने पनि छन् । यो सेयर बजार पनि समय–समयको खेल रहेछ ।’
यस बेलासम्म दिनको एक बज्दै थियो । बजार समान्य अंकले तल माथि गर्दै थियो । एक लगानीकर्ताले बजार हेर्दै भने,‘बजारमा दम छैन । लगानीकर्ताहरुले म्रौद्रिक नीतिको समीक्षा कुरेका छन् । केही गरि अपेक्षा अनुसार म्रौद्रिक समीक्षा आएन भने त बजार यसै हुन्छ भन्न सकिन्न ।’
उनको भनाईमा समर्थन गर्दै उनीसँगै बसेका एक लगानीकर्ताले भने अब फागुन लाग्न थाल्यो । यो बेला पनि बजार बढेन भने, अर्को महिना चैतमा त फेरी ब्याज तिर्ने बेला पनि आयो ।’ उनी ब्याज तिर्दा तिर्दा आजित बनेको उनको बोलिबाट प्रष्टै हुन्थ्यो ।
केही समयको बसाई पछि हामी सेक्योर्ड सेक्युरिटिज स्टक ब्रोकर नम्बर ३६ मा पुग्यौं । यस बेला सम्म दिनको एक बजि सकेको थियो । बजार झिनो अंकले घट्न सुरु गरेको थियो । यस ब्रोकरमा भेटिएका एक लगानीकर्ता अन्योलमा रहेको पाइयो । उनले बजार केही समय साइडवेज नै जान सक्ने आँकलन गरे ।
यहाँबाट हामी चार खालस्थित क्यापिटल म्याक्स सेक्युरिटिज स्टक ब्रोकर नम्बर ६२ मा पुग्यौं । यहाँ भने लगानीकर्ताहरुको उपस्थित राम्रै थियो । धेरै जसो लगानीकर्ताहरु आ–आफ्नो ल्यापटपमा बजारको उतारचढाव नियाल्न तल्लिन देखिन्थे । बजार सामान्य अंकले बढेको थियो ।
यहाँ भेटिएका एक लगानीकर्ताले प्राविधिक रुपमा बजार खासै बलियो नदेखिएको र बजारमा ठूला खेलाडीले सेयर सप्लाई गरिहेको दाबी गरे । उनले डेटा देखाउँदै भने,‘अघिल्लो साता हिमालयन रिको उच्च भोल्युममा सेयर किनेको भृकुटी सेक्युरिटिज स्टक ब्रोकर नम्बर ५५ ले किनेको ८ लाख कित्ता सेयरमध्ये ५ लाख त बेचि सकेको छ ।’ उनले ट्रेडर फ्लोर सिट देखाउँदै भने,‘अब ३ लाख कित्ता मात्रै बेच्न बाँकी छ ।’ त्यही सेयर बेच्न हकप्रद र बोनसको अनेक फण्डा हतार हतारमा ल्याएको पनि ती लगानीकर्ताले दाबी गरे ।
उनले प्रश्न गर्दै भने,‘होइन भने हिमालयन रि लाई मात्रै हकप्रद ल्याउन किन हतार ?
.png)
(1).jpg)
.jpg)
.png)
.gif)
