.gif)
.jpg)
.png)
काठमाण्डौ । साताको दोस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १५.३३ अंक अर्थात ०.७३ प्रतिशतले बढेर २ हजार १०१.१६ बिन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.३३ प्रतिशतले बढेर ३७५.९९ विन्दुमा पुगेको छ । यो दिन नेप्सेमा सूचीकृत मध्ये ३१४ वटा कम्पनीको १ करोड १ लाख ८ हजार १२२ कित्ता सेयर ३ अर्ब ५८ करोड ६९ लाख रुपैयाँभन्दा बढीको कारोबार भएको छ ।
.gif)
आजको बजारबारे बजार जानकार अजय सिंह थापा(जयशम्भुं) भन्छन्,‘आज वाणिज्य बैंकहरुले ब्याजदरमा गरेको कटौति र खुकुलो मौद्रिक नीतिको समीक्षा आउने आँकलनले बजार बढेको हो । ३ महिनासम्मको मुद्दती निक्षेपको ब्याजदर ५ प्रतिशतमा झरेको छ ।’
यो ब्याजदरमा एफडी ब्याजदर नविकरण गर्न फाइदा नहुने भएपछि लगानीकर्ता सेयर बजारप्रति आकर्षित भएको थापा बताउँछन् । उनले खुकुलो मौद्रिक नीति समीक्षाको आउने आशा व्यक्त गरे । ‘प्राविधिक रुपमा बजार अझै पनि करेक्सन प्याट्रनमै चलेको छ । यद्यपी बजार २० दिने मुभिङ एभरेजभन्दा माथि लागेमा बजार २५०० सम्म पुगन सक्छ ।’उनले भने ।
अर्का बजार जानकार विरेन्द्र विष्टले पनि खुकुलो मौद्रिक नीतिको समीक्षा आउने र जोखिम भार घट्ने अपेक्षाका कारण बजार बढेको बताउँछन् । उनी भन्छन्,‘अहिले बैंक तथा वित्तीय संस्थामा साढे ६ अर्ब तरलता रहेको छ । त्यसैले कर्जा विस्तार हुने मौद्रिक नीतिको समीक्षा आउने देखिन्छ । ’
आज नेप्सेमा सूचीकृत सबै १३ वटा समूहमा अन्य समूहबाहेक सबै समूहमा हरियाली छाएको छ ।आज उत्पादन तथा प्रशोधन समूहमा सबैभन्दा धेरै वृद्धि भयो । यो समूह आज २.२२ प्रतिशतले बढ्यो ।
त्यस्तै बैंकिङ समूह ०.०५,विकास बैंक ०.५६,वित्त १.१६,होटल ०.३६,हाईड्रो १.८३,लगानी १.२५,जीवन बीमा ०.३५,लघुवित्त ०.३२,म्युचुअल फण्ड ०.५४ निर्जीवन बीमा १.७० र व्यापार समूह ०.४४ प्रतिशतले बढेका छन् ।
आज अन्य समूह ०.०५ प्रतिशतले घट्यो ।
धेरै कारोबार गर्ने कम्पनीहरु
आज हिमालयन रि इन्स्योरेन्सको सर्वाधिक अर्थात २३ करोड २ लाख बढीको सेयर कारोबार भएको छ । यो दिन एनआरएनको १६ करोड ३० लाख,एनआईसी एशिया बैंकको १३ करोड ७७ लाख,नेपाल इन्स्यारेन्सको ११ करोड ३७ लाख र सोनापुर मिनरल्सको १० करोड २७ लाख बढीको कारोबार भएको छ ।
धरै कमाउने र गुमाउने कम्पनीहरु
आज ६ वटा कम्पनीको सेयरमूल्यमा सकारात्मक सक्रिट लागेको छ । यो दिन बोटलर्स नेपाल (बालाजु) र समाज लघुवित्तको सेयरमूल्यमा सर्वाधिक वृद्धि भयो । कम्पनीको सेयरमूल्य १० प्रतिशतले बढ्यो ।
यस्तै कुथेली बुखरी स्मल हाईड्रोको सेयरमूल्य ९.९९,चिरख्वा हाईड्रोको ९.९९,बलेफी हाईड्रोको ९.९८,जोशी हाईड्रोको ९.२९,दोर्दीखोला जलविद्युतको ८.५४,महुली लघुवित्तको ८.१२ र गुराँस लघुवित्तको सेयरमूल्य ८.१० प्रतिशतले बढेको छ ।
आज ईमर्जिङ नेपालको सेयरमूल्यमा सर्वाधिक अर्थात ३.८६ प्रतिशतको गिरावट आएको छ ।
.gif)
.png)
.jpg)
(1).png)
