_New.gif)
.gif)
.png)
काठमाण्डौ । सूर्यकुण्ड हाइड्रो इलेक्ट्रिक लिमिटेडले सर्वसाधारणलाई आइपीओ निष्कासन गर्ने भएको छ । कम्पनीले १०० रुपैयाँ अंकित दरले २० लाख कित्ता आइपीओ निष्कासन गर्न लागेको हो ।
कम्पनीले आईपीओ निष्कासन प्रयोजनाका लागि नेपाल एसबीआई मर्चेन्ट बैंकिङलाई बिक्री प्रबन्धक नियुक्त गरेको छ । बिक्री प्रबन्धक नियुक्त सम्झौतामा सूर्यकुण्ड हाइड्रो इलेक्ट्रिकका तर्फबाट अध्यक्ष सतिश न्यौपाने र नेपाल एसबीआई मर्चेन्टका तर्फबाट प्रवन्ध सञ्चालक तथा प्रमुख कार्यकारी अधिकृत लेखनाथ पोख्रेलले सम्झौतापत्रमा हस्ताक्षर गरेका छन् ।
सूर्यकुण्ड हाइड्रो इलेक्ट्रिकले नुवाकोट जिल्लाको दुप्चेश्वर गाउँपालिका वडा नं. १ स्थित अप्पर तादी खोला हाइड्रोपावर प्रोजेक्टमा ११ मेगावाट क्षमताको विद्युत आयोजना निर्माण गरिरहेको छ । आयोजनाको निर्माण कार्य करिव ५० प्रतिशत सम्पन्न भइसकेको छ । आयोजनाको कूल लागत २ अर्ब २० करोड रहने र आयोजनाको लागि आवश्यक ऋण १ अर्ब ३५ करोड नेपाल एसबीआई बैंकको एकल लगानीबाट सम्पन्न हुने कम्पनीले जनाएको छ ।
कम्पनीमा अपि पावर कम्पनीको बहुमत सेयर लगानी रहेको कम्पनीले जनाएको छ ।
.png)
.jpg)
(1).jpg)
.jpg)
.gif)
