अमेरिकाको डीभी भर्ने समयावधि थप

NEWS
सोमबार, कार्तिक १९,२०८१ 13:54:42

काठमाण्डौ । २०२६ का लागि डाइभर्सिटी भिजा कार्यक्रम (डिभी)का लागि आवेदन दिने समयावधि २ दिन थप गरिएको छ । अमेरिकी दूतावासले दिएको जानकारीअनुसार ५ नोभेम्बरमा सकिने उक्त आवेदन अब ७ नोभेम्बरमा सकिने भएको छ ।

अमेरिकि दूतावासको फेसबुक पेजमार्फत दिएको उक्त आवेदन के कति कारणले थप गरिएको हो ? भन्ने विषममा भने केही जानकारी दिएको छैन । यस वर्ष पनि अमेरिरिका सरकारले सन् २०२६ को लागि सन् २०२४ अक्टोबर २ देखि डीभीको आवेदन खुलाएको थियो । हाल दर्ता भएका आवेदनको रिजल्ट अमेरिकि सरकारले मे महिनामा सार्वजनिक गर्ने गर्छ ।

दूतावासका अनुसार डिभीका लागि आवेदन दिदा नाम, जन्मस्थान, फोटो, ठेगाना, फोन नम्बर, इमेल लगायतका विवरणहरु बुझाउनुपर्नेछ । साथै, डिभी फर्म भर्दा बुझाउने वा पेश गर्ने फोटो भने ६ महिनायताको वा हालसालै खिचिएको फोटो मात्रै स्वीकारयोग्य हुने दूतावासले जनाएको छ ।