_New.gif)
.gif)
.jpg)
काठमाण्डौं । धितोपत्र बोर्डले सेयर लगानीकर्ताहरुबाट उठाएको ४२ करोड बढी रुपैयाँ तीन बर्ष देखि फसेको छ । तत्कालिन धितोपत्र बोर्डका अध्यक्ष भीष्म राज ढुंगानाको समयमा उक्त रकम आफ्नै भवन निर्माण प्रयोजनका लागि जग्गा खरिद गर्न काठमाण्डौ उपत्यका विकास प्राधिकरणलाई दिइएको थियो ।
काठमाण्डौंको कागेश्वरी मनोहरामा ७ रोपनी जग्गा खरिदको लागि उक्त रकम दिइएको थियो । तर तीन बर्ष बितिसक्दा पनि धितोपत्र बोर्डले हालसम्म पनि न पैसा नै फिर्ता पाएको छ न जग्गा नै । त्यो समयमा धितोपत्र बोर्डले काठमाण्डौ बिकास प्राधिकरणलाई ४२ करोड ५६ लाख रुपैयाँ दिएको थियो ।
हालसम्म उक्त रकम साँवा ब्याजसहित गरेर ५० करोड भन्दा माथि पुगी सेकेको छ । धितोपत्र बोर्डले काठमाण्डौ विकास प्राधिकरण मार्फत मनोहरा क्षेत्र विकास प्राधिकरणको स्वामित्वमा रहेको ७ रोपनी जग्गा खरिदको लागि पैसा दिएको धितोपत्र बोर्डका प्रवक्ता मुक्तिनाथ श्रेष्ठले जानकारी दिए । जग्गा खरिदको लागि दिएको उक्त रकम हालसम्म न बोर्डले फिर्ता पाएको छ न त जग्गा नै ।
मनोहरा विकास प्राधिरणले मनोहरमा विकासको काम सम्पन्न नभएको भन्दै जग्गा उपलब्ध गराएको छैन । ‘बोर्डले पैसा दियो तर जग्गाको लालपूर्जा बोर्डको नाममा आएको छैन । न जग्गा आयो न त पैसा नै आयो’ । उनले भने ।
यसै विषयमा बुझ्न खोज्दा काठमाण्डौ विकास प्राधिकरणका कुनै पनि विकास आयुक्त सम्पर्कमा आउन चाहेनन् । मनोहरा विकास प्राविधरणका प्रवक्ता सागर मिश्रले आफुुलाई यस विषयमा कुनै पनि जानकारी नभएको ठाडो जबाफ दिए । हाल धितोपत्र बोर्डले काठमाण्डौको खुमलटारमा बार्षिक एक करोड भन्दा बढी भाडाको भवन लिएर कार्यालय सञ्चालन गरिरहेको छ ।
.jpg)
.jpg)
.jpg)
.gif)
