अब सीएफ मोटो र जिहोमा २४ महिनासम्मको सरल र सहज फाइनान्स सुविधा

काठमाण्डौ । नेपालका लागि सीएफ मोटोर जिहोको आधिकारिक वितरक ऋषि ट्रेड सेन्टरले सरल र सहज फाइनान्स सुविधाको व्यवस्था गरेको छ।सीएफ मोटोको पेट्रोल बाइक तथा जिहोकाईभी स्कुटर खरिद गर्ने ग्राहकहरुलाई लक्षित गरी ल्याइएको सो सुविधा हालै प्रारम्भ भएको हो।

उक्त व्यवस्थाअन्तर्गत आफूलाई मनपर्ने सीएफ मोटो तथा जिहोका बाइक तथा स्कुटर सरल र सहज किस्ताबन्दीमा बिना झन्झट खरिद गर्न सकिनेछ।ग्राहकले आफ्नो चाहनाअनुरुप १२ महिने, १८ महिने र २४ महिने किस्ताबन्दी र न्यूनतम मूल्यमा आफूले रोजेको बाइक तथा स्कुटर खरिद गर्न सक्नेछन्।

हालका लागि कम्पनीको नक्साल र झम्सिखेलस्थित शोरुमबाट मात्र सो सेवा उपलब्ध भएको र आगामी दिनमा अन्य शोरुमबाट समेत क्रमशःसेवा उपलब्ध गराइने कम्पनीको भनाइ छ।

नेपाली बजारमा पछिल्लो समयमा भित्रिएका सीएफ मोटोको ४५० र जिहोएई ४ चर्चामा रहेका छन्।

सो नयाँ मोटरसाइकलमा ४४९.५ सीसीको बलियो, लिक्विडकुल्ड, प्यारलल–ट्विन अथवा डुअल सिलिन्डर इन्जिन जडान गरिएको छ । जसले ९५०० आरपीएममा ४४ एचपी पावर र ७६०० आरपीएममा ४४ एनएम टर्क जेनेरेट गर्छ। सीएफ मोटोले ४५० एमटीलाई सुरक्षा र सुविधाका उत्कृष्ट सुविधाहरूले सुसज्जित गरेको छ।

यसका अत्याधुनिक डिजाइन, शक्तिशाली पर्रफर्मेन्स र उत्कृष्ट सुविधाले यो मोटरसाइकललाई रोड तथा अफ रोडमा रोमाञ्चक यात्रा खोज्नेहरूको लागि एक योग्य साथी बनाउने कम्पनीले जनाएको छ।

फेमिली स्कुटरको रुपमा डिजाइन गरिएको एई ४ मा ३१ लिटरको बुटस्पेस, फराकिलो फुटस्पेस, लिथियम आयोन ब्याट्री, एबीएस, इलेक्ट्रोनिक ट्रयाक्सन कन्ट्रोल, ३ हजारवाट पिक पावरलगायतका विशेषता रहेका छन्।