गोर्खाज फाइनान्सको कम्पनी सचिवमा न्यौपाने नियुक्त, स्वतन्त्र सञ्चालकको राजीनामा स्वीकृत

काठमाण्डौ । गोर्खाज फाइनान्स लिमिटेडको कम्पनी सचिवमा दिपक न्यौपाने नियुक्त भएका छन् । कम्पनीको मंसिर २३ गते बसेको सञ्चालक समितिको बैठकले न्यौपानेलाई कम्पनी सचिवमा नियुक्त गर्ने निर्णय गरेको हो ।  

उनलाई मंंसिर २४ गतेदेखि लागू हुनेगरी उक्त पदमा नियुक्त गरिएको हो ।  

साथै, उक्त बैठकले संस्थाका यसअघिका कम्पनी सचिव मुकुन्द श्रेष्ठले आफ्नो कार्यव्यस्तताको कारणले जिम्मेवारीबाट दिएको राजिनामा स्वीकृत गरेको छ ।  

मंसिर २३ गते नै बसेको सञ्चालक समितिको बैठकले संस्थाका स्वतन्त्र सञ्चालक प्रविण भट्टराईले आफ्नो व्यक्तिगत कारणले मंसिर २३ गते दिएको राजीनामा समेत स्वीकृत गरेको छ । उनको राजीनामा मंसिर २४ गतेदेखि लागू हुनेगरी स्वीकृत भएको कम्पनीले जनाएको छ ।