अमेरिकाको घर निर्माण क्षेत्रमा भारी गिरावट,आवासको अभाव सिर्जना

काठमाण्डौ । अमेरिकाको घर निर्माण क्षेत्रमा भारी गिरावट आएको छ । आँधीहुरी र बढ्दो मोर्गेज दरका कारण जनवरी महिनामा अमेरिकाको र घर निर्माण क्षेत्रमा गिरावट आएको हो ।

यससँगै अमेरिकामा घर तथा अपोर्टमेन्टको अभाव देखिएको छ । अमेरिकामा अघिल्लो महिनाको तुलनामा जनवरी महिनामा नयाँ घर निर्माण १४.८ प्रतिशतले घटेको छ । अमेरिकाको तथ्यांक विभागले सार्वजनिक गरेको तथ्यांकका अनुसार जनवरी महिनामा देखिएको यो गिरावट सन् २०२० अप्रिल महिना पछिकै धेरै हो ।

यस्तै जनवरी महिनामा घर निर्माण अनुमति पनि १.५ प्रतिशतले घटेको छ । तर घर निर्माण अनुमति गत वर्षको तुलनामा भने अझै पनि ८.६ प्रतिशत माथि नै छ । -एजेन्सी