सर्वोत्तम सिमेन्टको एजीएमद्वारा १०% लाभांश पारित, चुक्तापूँजी बढेर कति पुग्यो ?

काठमाण्डौ । सर्वोत्तम सिमेन्ट लिमीटेडले आफ्ना सेयरधनीहरुलाई १० प्रतिशत लाभांश वितरणको प्रस्ताव पारित गरेको छ ।  

कम्पनीको पुस २६, २०८१ मा रुपन्देही जिल्लाको सिद्धार्थ नगरपालिका भैरहवास्थित होटल सिद्धार्थ भिलासामा सम्पन्न छैठौं वार्षिक साधारणसभाले आर्थिक वर्ष २०८०/८१ को मुनाफाबाट सेयरधनीलाई १० प्रतिशत लाभांश वितरणको प्रस्ताव पारित गरेको हो । 

प्रस्तावित लाभांशमध्ये ७ प्रतिशत बोनस सेयर र ३ प्रतिशत नगद लाभांश(कर प्रयोजनसहित) रहेको छ । जसअनुसार कम्पनीले ३२ करोड ५५ लाख रुपैयाँ बराबरको बोनस सेयर र १३ करोड ९५ लाख रुपैयाँ बराबरको नगद लाभांश वितरण गर्नेछ ।  

हाल कम्पनीको चुक्तापूँजी ४ अर्ब ९७ करोड ५५ लाख रुपैयाँ रहेको छ । बोनस सेयर वितरणपछि चुक्तापूँजी बढेर ५ अर्ब ३० करोड १० लाखको उचाईमा पुग्नेछ । 

सभाले सञ्चालक समितिको वार्षिक प्रतिवेदन, लेखापरिक्षकको प्रतिवेदन सहितको आ.व. २०८०/०८१ को वित्तीय विवरण,आर्थिक वर्ष २०८१/०८२ को लेखापरीक्षकको नियुक्तिको प्रस्ताव लगायतका अजेण्डा पारित गरेको कम्पनीले जनाएको छ।  

सर्वोत्तम सिमेन्ट कम्पनी सेयर बजारमा सूचीकृत सिमेन्ट कम्पनीमध्ये सबैभन्दा बढी दोश्रो बजार मूल्य भएको कम्पनी हो । यसको प्रतिसेयर अन्तिम बिक्रीमूल्य प्रतिकित्ता ७५४ रुपैयाँ रहेको छ ।