बेलायतले अमेरिकी ट्यारिफ आतंकको सामना गर्नु नपर्ने !

काठमाण्डौ । बेलायतले ओरिमकी ट्यारिफ आतंकको सामना गर्नु नपर्ने भएको छ । अमेरिकार बेलायतबीच छिट्टै हुन लागेको व्यापार सम्झौताका कारण बेलायतले अमेरिकाले लगाउने ट्यारिफको सामना नगर्नुपर्ने भएको हो ।  

अमेरिकी राष्ट्रपति डोनाल्ड ट्रम्पले अमेरिका र बेलायतबीच ‘छिट्टै’ व्यापार सम्झौता हुन सक्ने बताएका छन् । बेलायती प्रधानमन्त्री केयर स्टाररसँगको संयुक्त पत्रकार सम्मेलनमा उनले यस्तो घोषणा गरेका हुन् ।

ट्रम्पले ह्वाइट हाउसमा कियर स्टाररसँगको भेटमा ‘वास्तविक व्यापार सम्झौता’ को उल्लेख गरे। यसको अर्थ ट्रम्पले बेलायतमा कर लगाउन नचाहेको जनाइएको छ ।  

यससँगै ट्रम्पले बेलायतविरुद्ध कर लगाउने त्रास तत्कालका लागि खारेज भएको छ । ट्रम्पले अमेरिकाका केही व्यापार साझेदारहरू विरुद्ध कर लगाउने चेतावनी दिएका छन् र चीनमाथि पनि भन्सार शुल्क लगाएका छन्।

स्टारमरको यो अमेरिकी भ्रमणलाई निकै महत्वपूर्ण मानिएको छ । बेलायती प्रधानमन्त्रीले युक्रेन र अमेरिकाको व्यापार नीतिका केही मुद्दामा ट्रम्पलाई प्रभाव पार्न सक्ने बताइएको छ ।