क्रिप्टो शिखर सम्मेलनअघि ट्रम्पले स्थापना गरे ‘रणनीतिक बिट्क्वाइन रिजर्भ’

काठमाण्डौ । अमेरिकी राष्ट्रपति डोनाल्ड ट्रम्पले क्रिप्टो शिखर सम्मेलन आयोजना गर्नु अघि रणनीतिक बिट्क्वाइन रिजर्भ र अन्य डिजिटल सम्पत्तिहरूको भण्डार स्थापना गरेका छन् । ट्रम्पले बिहिबार ह्वाइट हाउसमा कार्यकारी आदेशमार्फत यस्तो रिजर्भको स्थापना गरेका हुन् ।  

ट्रेजरी डिपार्टमेन्टले रिजर्भको व्यवस्थापन गर्न एउटा कार्यालय स्थापना गर्नेछ । जसलाई अमेरिकी सरकारले आपराधिक वा नागरिक सम्पत्ति जफत प्रक्रियाको एक भागको रूपमा जफत गरेको बिट्क्वाइनसँग पूँजीकरण गर्नेछ ।  

‘बिट्क्वाइन मूल क्रिप्टोकरेन्सी हो, बीटीसीको एक निश्चित आपूर्ति हुने भएकाले रणनीतिक बिट्क्वाइन रिजर्भ सिर्जना गर्न पहिलो राष्ट्रहरू हुँदा रणनीतिक फाइदा हुनेछ,’कार्यकारी आदेशमा उल्लेख छ ।  

कार्यकारी आदेशले अन्य क्वाइन र सम्पत्तिहरू व्यवस्थापन गर्न ट्रेजरी विभागअन्तर्गत अमेरिकी डिजिटल सम्पत्ति भण्डारण समेत सिर्जना गरेको छ। गत आइतवार, ट्रम्पले सरकारलाई बिटक्वाइन, इथरियम र अन्य तीनवटा टोकनहरू भण्डार गर्न निर्देशन दिने बताएका थिए । ट्रम्पले गत जनवरीमा दिएको कार्यकारी आदेशअनुसार बिट्क्वाइन,इथर,एक्सआरपी,सोलाना र कार्डानो गरी ५ वटा डिजिटल एसेस्ट सञ्चित गर्ने बताएका थिए। जसले क्रिप्टो उद्योगमा तरंग उत्पन्न भएको छ । ट्रम्पको त्यस्तो निर्णयपश्चात क्रिप्टोकरेन्सीहरुको मूल्य बढेको थियो ।  

यसका साथै, कार्यकारी आदेशले सरकारको डिजिटल सम्पत्ति होल्डिंगको पूर्ण लेखाजोखा गर्न निर्देशन दिएको छ। एआई र क्रिप्टोकरेन्सीका लागि ह्वाइट हाउसका जार डेभिड स्याक्सले एक्समा अमेरिकी सरकारसँग लगभग २ लाख किट्क्वाइन भएको लेखेका छन् । क्वाइन मार्केटक्यापका अनुसार, प्रत्येक बिट्क्वाइनको हालको बजार मूल्य  लगभग ८७ हजार डलर रहेको छ । जसको मूल्य मूल्य भने १७.५ अर्ब डलर हुन आउछ ।