सुनको मूल्य स्थिर,चाँदीको भने घट्यो

काठमाण्डौ । आज नेपाली बजारमा सुनको मूल्यमा कुनै थपघट भएको छैन । नेपाल सुनचाँदी व्यवसायी महासंघका अनुसार आज छापावाला र तेजावी सुनको मूल्य स्थिर रहेको छ ।

आज सुनको मूल्य प्रतितोला १ लाख १८ हजार ३ सय रुपैयाँ र तेजावी सुनको मूल्य प्रतितोला १ लाख १७ हजार ७५० रुपैयाँमा कारोबार भईरहेको छ ।

अघिल्लो दिन पनि यहि मूल्यमा सुनको कारोबार भएको थियो ।

आज चाँदीको मूल्यमा भने गिरावट आएको छ । चाँदीको मूल्य १५ रुपैयाँले घट्दै प्रतितोला १ हजार ३८० रुपैयाँ कायम भएको छ ।