(1).gif)
(2).gif)
.png)
काठमाण्डौ । प्रस्तावित नुवाकोटको घ्याङ फेदी जलविद्युत आयोजना संञ्चालनका लागि सम्झौता गरिएको छ । दुप्चेश्वर गाउँपालिका–१ ताँदीमा पौने २ अर्ब रुपैयाँ लागतमा निर्माण हुने सो जलविद्युत आयोजनाको प्रतिमेगावाट लागत २० करोड ५ लाख रुपैयाँ रहेको छ ।
आयोजनाबाट आगामी २०८४ वैशाख मसान्तमा व्यावसायिक उत्पादनको लक्ष्य निर्माण पक्षको रहेको छ । कुल ८ मेगावाट जडित क्षमता भएको उक्त आयोजना एबीपी इनर्जी प्रालिले प्रवर्द्धन गरेको परियोजना हो ।
८ मेगावाट क्षमताको तादी घ्याङ फेदी जलविद्युत आयोजनाको वित्तीय व्यवस्थापन सम्पन्न भएको हो । आयोजनामा सिद्धार्थ बैंकले एकल लगानी गर्ने भएको छ ।
.gif)
वित्तीय व्यवस्थापन सम्झौतामा बुधवार द्विपक्षीय हस्ताक्षर भएको हो । सम्झौतामा आयोजनाको तर्फबाट एबीपी इनर्जी प्रालिका अध्यक्ष पूर्णलाल श्रेष्ठ र सिद्धार्थ बैङ्कका तर्फबाट क्रेडिट हेड अमित श्रेष्ठले हस्ताक्षर गरेका छन् ।
सम्झौता अनुसार आयोजनामा बैंकले १ अर्ब २३ करोड ऋण लगानी गर्ने छ । आयोजनाको कुल लागत १ अर्ब ६४ करोड रुपैयाँ रहेको छ ।
आयोजनाबाट उत्पादित बिजुली हिउँद याममा प्रति युनिट ८ रुपैयाँ ४० पैसा, तथा वर्षा याममा प्रति युनिट ४ रुपैयाँ ८० पैसामा प्राधिकरणले खरिद गर्ने गरी नेपाल विद्युत् प्राधिकरणसँग पीपीए सम्झौता भइसकेको जनाइएको छ । प्रस्तावित जलविद्युत् आयोजनाको ग्रस हेड ४४६ मिटर रहेको छ ।
सो जलविद्युत आयोजनाका लागि २२८१ दशमलव ३६ मिटर हेडरेस पाइप राखिनेछ । १६३२ दशमलव ०८ मिटर पेन स्टक पाइप निर्माण गरिनेछ ।
उत्पादित विद्युत् ३३ केभी सिङ्गल सर्किटको १० किमी प्रसारण लाइन निर्माण गरेर समुन्द्र टार सब स्टेसनमा जोडिनेछ । एबीपी इनर्जीको सञ्चालकमा स्वतन्त्र ऊर्जा उत्पादकहरूको संस्था इप्पानका पदाधिकारीहरूसमेत रहेका छन् ।
.png)
.jpg)
.jpg)
.jpg)
.jpg)
