सुनको मूल्यमा गिरावट, आज कतिमा हुँदैछ खरिदबिक्री ?

काठमाण्डौ । मंगलबार घरेलु बजारमा सुनको मूल्यमा गिरावट आएको छ । गत चैत ३१ गते प्रतितोला १ लाख ८६ हजार रुपैयाँ रहेको सुनको मूल्य आज घटेर १ लाख ८४ हजार ३ सय रुपैयाँमा कारोबार भईरहेको छ ।

यसरी आज सुनको मूल्यमा १७ सय रुपैयाँको गिरावट आएको निेपाल सुनचाँदी व्यवसायी महासंघले जनाएको छ । आइतबारको कारोबारमा सुनको मूल्य प्रतितोला १ लाख ८६ हजार रुपैयाँ कायम थियो ।

यो दिन चाँदीको भाउ पनि घटेको छ । चाँदीको भाउ प्रतितोला १५ रुपैयाँले घट्दै १ हजार ९४५ रुपैयाँ कायम भएको छ ।