माइक्रोसफ्टले एकैपटक ९ हजार कर्मचारी निकाल्ने

काठमाण्डौ । अमेरिकी प्रविधि कम्पनी माइक्रोसफ्टले करिब ९ हजार कर्मचारीलाई हटाउने योजना बनाएको छ । यो वर्षको दोस्रो ठूलो ले–अफ हुनेछ। दुई महिनाअघि कम्पनीले करिब ६ हजार कर्मचारीलाई निकालेको थियो ।

सिएनबीसीको रिपोर्ट अनुसार यो कटौतीबाट कम्पनीका ४ कर्मचारीहरू प्रभावित बन्नेछन्। परिवर्तनशील बजारमा सफल हुन सकियोस भन्ने अभिप्रायका साथ संस्थामा यस्ता परिवर्तनहरु निरन्तर गर्दै आएको कम्पनीले जनाएको छ । कम्पनीले सन् २०२३ मा १० हजार कर्मचारीलाई निकालेको थियो ।  

Sponsored

Sponsored

माइक्रोसफ्टमा सन् २०२४ को जुनसम्ममा २ लाख २८ हजार कर्मचारी थिए तर कम्पनीले पछिल्ला दुई वर्षमा हजारौं मानिसलाई निकालेको छ। यस वर्षको लेअफ वर्ष कम्पनीको इतिहासमा सबैभन्दा ठूलो कटौती वर्ष हो।

माइक्रोसफ्टको सेयर पछिल्लो एक वर्षमा ७ प्रतिशतले बढेको छ । एकै समयमा, यो वर्ष यो १७ प्रतिशतले बढेको छ। जुलाई २ मा, कम्पनीको सेयर प्रतिकित्ता ४९१ डलरमा कारोबार भईरहेको छ ।  

यसरी कर्मचारी निकाल्ने माइक्रोसफ्ट एक्लो कम्पनी भने होइन । सामाजिक सञ्जाल फेसबुक र व्हाट्सएपको मूल कम्पनी मेटाले यस वर्षको जनवरीमा आफ्ना ३६०० कर्मचारीलाई निकालेको थियो। मेटाले कार्यसम्पादनमा आधारित रोजगार कटौती नीति अन्तर्गत यो निर्णय गरेको हो । कम्पनीका करिब ५ प्रतिशत कर्मचारी यसबाट प्रभावित भएका छन् ।