अर्थमन्त्रीमा रामेश्वर खनाल नियुक्त,कुलमान घिसिङलाई उर्जासहित तीनवटा मन्त्रालयको जिम्मेवारी

काठमाण्डौ । अन्तरिम सरकारका प्रधानमन्त्री सुशीला कार्कीले पहिलो चरणमा दुई मन्त्री नियुक्त गरेकी छिन् ।  

केहीबेरअघि उनले पूर्व अर्थसचिव तथा अर्थविद डा. रामेश्वर खनाललाई अर्थमन्त्री र  र नेपाल विद्युत् प्राधिकरणका पूर्व कार्यकारी निर्देशक कुलमान घिसिङलाई उर्जामन्त्रीमा नियुक्त गरेकी हुन् । घिसिङले उर्जासहित ती मन्त्रालयको जिम्मेवारी पाएका छन् । 

उनलाई भौतिक पूर्वाधार तथा यातायात, सहरी विकास र उर्जा, जलस्रोत तथा सिंचाइ मन्त्रालयको जिम्मेवारी दिइएको हो ।

पहिलो चरणमा मन्त्री नियुक्त खनाल र घिसिङको सपथ आजै गर्ने गरी तयारी भइरहेको बालुवाटारस्थित स्रोतले जनाएको छ ।

पहिलो चरणमा खनाल र घिसिङ मात्र छानिए पनि सपथ गराउने समयसम्म एकजना मन्त्री थपिनसक्ने स्रोतको दाबी छ । काठमाण्डौ महानगरपालिकाका कानूनी सल्लाहकार ओमप्रकाश अर्यालले गृहमन्त्रीको जिम्मेवारी पाउने सम्भावना छ । उनलाई गृहको साथमा कानून मन्त्रालय समेत जिम्मा दिने प्रधानमन्त्रीको चाहना छ ।  

यसअघि प्रकाशित सम्बन्धित समाचार:

-डा. रामेश्वर खनाल अर्थमन्त्री बन्दै, प्यारालाइज्ड अर्थतन्त्रले पाउने भो अनुभवी डाक्टर