(2).gif)
(183).jpg)
.png)
काठमाण्डौ । अन्तर्राष्ट्रिय बजारमा सुनको मूल्य प्रतिऔंस ३९ सय डलर नजिक पुगेको छ । पछिल्लो कारोबारमा सुनको मूल्य १.१० प्रतिशत अर्थात ४२.१९ डलरले बढेसँगै सुनको मूल्य ३९ सय डलर आसपास पुगेको हो ।
यो वृद्धिसँगै यतिबेला सुनको मूल्य प्रतिऔंस ३ हजार ८८६ डलरमा कारोबार भईरहेको छ । बेलायतको एचएसबीसी बैंकले निकट भविष्यमा सुनको मूल्य प्रतिऔंस ४ हजार डलरसम्म पुग्न सक्ने आँकलन गरेको छ । भू–राजनीतिक जोखिम, वित्तीय अनिश्चितता र अमेरिकी केन्द्रीय बैंकको स्वायत्ततामा बढेको जोखिमका कारण सुनको मूल्य उकालो लाग्ने एचएसबीसीले जनाएको छ ।
यस्तै संस्थागत खरिदकर्ताबाट बढेको मागका कारण समेत सुनको मूल्यलाई बढावा मिल्ने जनाइएको छ ।
अन्तर्राष्ट्रिय बजारमा चाँदीको मूल्य पनि बढेको छ । चाँदी १.४२ डलरले बढ्दै प्रतिऔंस ४७.९९ डलरमा कारोबार भईरहेको छ ।
.png)
)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।