राष्ट्र बैंकले जारी गर्ने नोटमा नेपाल संवत् राख्ने प्रक्रिया अघि बढाउने प्रधानमन्त्रीको प्रतिबद्धता

काठमाण्डौ । प्रधानमन्त्री सुशिला कार्कीले चलनचल्तीका नेपाली नोटमा नेवाल संवत् उल्लेख गरिने बताएकी छन् । नेपाल संवत् ११४६ को अवसरमा भक्तपुरको मध्यपुर थिमीमा आयोजित कार्यक्रमलाई आज बिहान सम्बोधन गर्ने क्रममा प्रधानमन्त्री कार्कीले यस्तो बताएकी हुन् ।

‘नेपाल राष्ट्र बैंकद्वारा निष्काशित गरिने नोटमा नेपाल संवत् उल्लेख गर्ने विषयमा सम्बन्धित पक्षसँग परामर्श गरी प्रक्रिया अघि बढाउने प्रतिवद्धता जाहेर गर्दछु’ उनले भनिन् ।

यस्तै उनले नेपाल सम्बतलाई सरकारी कार्यालयमा प्रभावकारी कार्यान्वयन गर्ने र यसको अनुगमन समेत गरिने जानकारी दिइन् ।