बढ्यो सुनको भाउ, प्रतितोला कतिमा हुँदैछ कारोबार ?

काठमाण्डौ । स्थानिय बजारमा सुनको मूल्य बढेको छ । बुधबारको कारोबारमा सुनको मूल्य ८ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको कारोबार प्रतितोला २ लाख ५४ हजार १ सय रुपैयाँमा भईरहेको छ । अघिल्लो दिन भने सुनको मूल्य ३ सय रुपैयाँले घट्दै प्रतितोला २ लाख ५३ हजार ३ सय रुपैयाँ कायम भएको थियो ।

आज चाँदीको भाउ पनि बढेको छ । चाँदीको मूल्य ११० रुपैयाँले बढ्दै प्रतितोला ३ हजार ६५५ रुपैयाँ कायम भएको छ ।