दुईपटक स्थगित सिनर्जी पावरको साधारण सभा पुनः डाकियो

काठमाण्डौ । दुईपटकसम्म साधारण सभा स्थगित भएको सिनर्जी पावर डेभलपमेन्ट लिमिटेडको साधारण सभा पुनः डाकिएको छ । कम्पनीको माघ ११ गते बसेको सञ्चालक समितिको बैठकले आगामी माघ १९ गतेका लागि साधारण सभा आह्वान गरेको हो ।

उक्त सभा काठमाण्डौमा रहेको बौद्ध हेरिटेजमा बिहान १० बजेदेखि सुरु हुनेछ । यसअघि गत पुस २८ गते र माघ ८ गतेका लागि डाकिएको कम्पनीको साधारण सभा स्थगित भएको थियो ।

साधारण सभामा सहभागी हुन चाहने सेयरधनीहरुले आफ्नो परिचय खुल्ने परिचय पत्र वा सेयर अभौतिकिकरण गरेको डिम्याटको विवरण वा सेयरधनी प्रमाणपत्रको प्रतिलिपी लिएर आउनु पर्नेछ ।