ओली अनुपस्थित, बधाई अनलाइन

काठमाण्डौ । नवनियुक्त प्रधानमन्त्री बालेन्द्र शाहको शपथ समारोहमा अनुपस्थित रहेका नेकपा एमालेका अध्यक्ष तथा पूर्व प्रधानमन्त्री केपी शर्मा ओली ले भने सामाजिक सञ्जालमार्फत बधाई सन्देश दिएका छन् ।

शुक्रबार फेसबुकमार्फत उनले प्रधानमन्त्री शाहसहित नवनियुक्त मन्त्रिपरिषद् सदस्यहरूलाई सफल कार्यकालको शुभकामना व्यक्त गरेका हुन् ।

ओलीले आफ्नो सन्देशमा बालेन्द्र शाह लाई प्रधानमन्त्री नियुक्त भएकोमा बधाई दिँदै सरकारको कार्यकाल सफल रहोस् भन्ने कामना गरेका छन् ।

तर, प्रधानमन्त्री शाहको शपथ ग्रहण समारोहमा भने ओली सहभागी भएनन् । उक्त समारोहमा अन्य पूर्व प्रधानमन्त्रीहरू भने उपस्थित थिए ।

शपथ कार्यक्रममा पुष्पकमल दाहाल, माधवकुमार नेपाल, झलनाथ खनाल, बाबुराम भट्टराई तथा खिलराज रेग्मी सहभागी भएका थिए ।

यसरी शपथमा अनुपस्थित रहे पनि ओलीले अनलाइन माध्यमबाट बधाई दिँदै राजनीतिक सन्देश दिएका छन् ।