विश्वकै तेस्रो ठूलो हवाई कम्पनी बन्यो इन्डिगो, लगानीकर्तालाई एक वर्षमा १०२.५५% रिटर्न

काठमाण्डौं । भारतको हवाई विमान कम्पनी इन्डियो विश्वको तेस्रो ठूलो हवाई कम्पनी बनेको छ । इन्डिगोको बजार पूँजीकरण १७.६ बिलियन डलर पुगेको छ ।  

कम्पनीले साउथवेस्ट एअरलाइन्सलाई पछि पार्दै यो सफलता हासिल गरेको हो । विश्व एअरलाइन्सको यो सूचीको पहिलो स्थानमा अमेरिकी कम्पनी डेल्टा रहेको छ । यो कम्पनीको बजार पूँजीकरण ३०.४ बिलियन डलर छ ।  

यस्तै रायनएअर होल्डिङस् २६.५ बिलियन डलर बजार पूँजीकरणका साथ दोस्रो स्थानमा छ ।  

गत वर्षको मार्च महिनामा बजार पूँजीकरणका आधारमा इन्डिगो विश्वको १४ औं ठूलो कम्पनीको रुपमा रहेको थियो । कम्पनीले डिसेम्बर २०२३ मा यूनाइटेड एअरलाइन्सलाई पछि पारेको थियो । र यो वर्षको जनवरीमा एअर चाइना र फेब्रुअरीमा सिंगापुर एअरलाइन्सलाई उछिनेको थियो ।  

कम्पनीको सेयरले पछिल्लो एक वर्षमा लगानीकर्तालाई १०२.५५ प्रतिशतको रिटर्न दिएको छ । पछिल्लो ६ महिनामा यसमा ५०.२५ प्रतिशत,एक महिनामा १८.२५ प्रतिशत र यो वर्षको जनवरीदेखि अहिलेसम्म २७.७८ प्रतिशतको बढोत्तरी आएको छ । आज कम्पनीको सेयरमूल्य ४.७३ प्रतिशतले वृद्धि भएर प्रतिकित्ता ८३०६ भारुमा बन्द भएको छ ।  

डायरेक्टोरेट जनरल अफ सिभिल एभियशन(डीजीसीए)को ताजा आँकडा अनु्सार,भारतको उड्डयन क्षेत्रमा इन्डिगोको हिस्सा ६०.२ प्रतिशत छ । यात्रु संख्याको आधारमा कम्पनी दोस्रो स्थानमा छ ।