बीमा प्राधिकरण अध्यक्ष नियुक्ति चाँडै, बन्यो सिफारिस समिति

काठमाण्डौ । सरकारले नेपाल बीमा प्राधिकरणको रिक्त अध्यक्ष पदका लागि नियुक्ति प्रक्रिया अघि बढाएको छ।

पूर्वअध्यक्ष शरद ओझालाई सर्वोच्च अदालतले अयोग्य ठहर गरेपछि नयाँ सिफारिस समिति गठन गरिएको हो।

वैशाख ८ को मन्त्रिपरिषद् निर्णयअनुसार डा. गुणाकर भट्टको संयोजकत्वमा समिति बनेको छ, जसमा डा. घनश्याम उपाध्याय सदस्य र डा. फत्तबहादुर केसी विज्ञ सदस्य रहेका छन्।

हाल अर्थ मन्त्रालयका सहसचिवले कार्यवाहक नेतृत्व सम्हालिरहेका छन्। समितिले तीन जनाको नाम सिफारिस गर्नेछ र सरकारबाट एक जनालाई ४ वर्षका लागि अध्यक्ष नियुक्त गरिनेछ।