सेयरबजार ४ दिनपछि मात्रै खुल्ने, फुर्सदमा लगानीकर्ता

काठमाण्डौ । सेयरबजार अब ४ दिनपछि मात्रै खुल्ने भएको छ । लगातार ४ दिन सार्वजनिक बिदा परेकाले सेयर बजार अब जेठ १८ गते मात्रै खुल्ने भएको हो ।

जेठ १४ गते बकर इद, जेठ १५ गते गणतन्त्र दिवस र जेठ १६ र १७ गते शनिबार र आइतबारको नियमित बिदाका रहेको छ ।

यससँगै यो साता तीन दिन मात्रै सेयर कारोबार भयो । तीन दिनको कारोबारमा दुई दिन बजार बढ्यो भने एक दिन घट्यो । आज सेयरबजार ४.९९ अंकले बढ्यो । यस्तै सोमबार पनि बजार २७.८५ अंकले बढेको थियो । मंगलबारको कारोबारमा भने बजार ९.२४ प्रतिशतले ओरालो लागेको थियो ।

पछिल्लो समय सेयरबजारले गति लिन सकिरहेको छैन । नयाँ सरकार आएसँगै केही दिन बढेतापनि बजारले उक्त गतिलाई निरन्तरता दिन सकिरहेको छैन । ठूला लगानीकर्ता हतोत्साहित हुनु र सरकारको पूँजीबजारमैत्री नीतिको अभावका कारण पछिल्लो समय सेयरबजार साइडवेजमा चलिरहेको छ ।

झन् बेला मौकामा पर्ने लामो बिदाले बजारलाई अझै प्रभाव पार्ने विश्लेषकहरुले बताएका छन् । लगानीकर्ता लामो समय कारोबार गर्नबाट बञ्चित हुनुपर्दा यसले उनीहरुको मनोविज्ञान र समग्र बजारको लय बिग्रिन उनीहरुको तर्क छ ।