कर्जा असुलीमा उत्कृष्ट रहेको र बैंकभित्र कुनै असमझदारी नरहेको एनआईसी एशिया बैंकको भनाई

काठमाण्डौ । एनआईसी एशिया बैंकले बैंकभित्र सञ्चालक समिति, उच्च व्यवस्थापन लगायत कुनै पनि तहमा कुनै पनि किसिमको असमझदारी नरहेको जनाएको छ ।  

बैंकले एक प्रेस विज्ञप्ती जारी गर्दै बैंकभित्र कुनै प्रकारको असमझदारी नभएको जनाएको हो । बैंकले केहि सञ्चार माध्यमहरूमा प्रकाशित तथा प्रसारित समाचारहरूप्रति बैंकको गम्भीर ध्यानाकर्षण भएको समेत जनाएको छ ।  

बैंकको संस्थागत सुशासन, कर्जाको गुणस्तर, कर्जा असुलीको अवस्थालगायत सञ्चालक समिति तथा उच्च व्यवस्थापनसँग सम्बन्धित विषयमा प्रकाशित समाचारहरू तथ्यहिन कपोकल्पितत रहेको बैंकले जनाएको छ ।  

यस्तै कर्जा असुलीतथा सम्पत्तिको गुणस्तर सम्बन्धमा बैंकले उत्कृष्ट रहेको विज्ञप्तीमा उल्लेख गरिएको छ ।  

विज्ञप्तीमा मुख्य सूचकांकहरू(सञ्चालन मुनाफा, खुद मुनाफा, प्रति सेयर आम्दानी, स्वःपूँजीमा प्रतिफल, निष्क्रिय कर्जा अनुपात लगायत)मा वाणिज्य बैंकहरू मध्ये सधै उत्कृष्टमा पर्दै आएको उल्लेख गरिएको छ यसका साथै बैंक प्रत्येक आर्थिक वर्षको प्रत्येक त्रैमासमा कर्जा असुलीका समग्र परिसूचकहरूमा सर्वोत्कृष्ट मध्येमा पर्दै आएको बैंकद्वारा जारी विज्ञप्तीमा जनाइएको छ ।