एनआईसी एसिया लघुवित्तले ल्यायो ‘सर्वश्रेष्ठ सबल बचत खाता’, यस्ता छन् विशेषता

काठमाण्डौ । एनआईसी एशिया लघुवित्त वित्तीय संस्था लिमिटेडले २०७८ चैत्र २३ गतेबाट संस्थामा आबद्ध तथा सम्भाव्य सेवाग्राही सदस्यका लागि ‘सर्वश्रेष्ठ सबल बचत खाता’ सञ्चालनमा ल्याएको छ।

आमजनमानसको वित्तीय आवश्यकता, चाहना तथा अपेक्षालाई समुचित पहिचान गरी तथा बजारको सूक्ष्म रुपको अध्ययन तथा विश्लेषण गरी संस्थाको निक्षेप योजनाहरुलाई सोहीअनुरुप निरन्तर रुपमा थप सेवाग्राहीमैत्री, प्रभावकारी तथा वित्तीय क्षेत्रकै उत्कृष्ट बनाउने अभिप्रायका साथ संस्थाले सर्वश्रेष्ठ सबल बचत खाता सञ्चालनमा ल्याएको हो। यो खाता खोल्ने सेवाग्राहीले १० प्रतिशतदेखि १३ प्रतिशतसम्म ब्याज, कर्जामा सहुलियत ब्याजदर, प्रशासनिक शुल्कमा विशेष छुट, बचतका आधारमा १ लाख देखि ५ लाखसम्मको दुर्घटनामा बीमासमेत प्राप्त गर्न सक्नेछन्। 

सबल बचत खाताका विशेषताहरु

• सर्वश्रेष्ठ बचत खातामा वार्षिक १० देखि १३ प्रतिशतसम्म वार्षिक व्याजदर कायम गरिएको छ। 
• पाकेको ब्याज खातामा त्रैमासिक रुपमा जम्मा गरिन्छ।
• सेवा शुल्कमा कर्जा लगानी रकमको ०.२५%।
• बिना धितो कर्जामा कर्जाको व्याजदरमा ०.२५% रहेको छ।
• धितो कर्जामा कर्जाको व्याजदरमा ०.५०% छुट रहेको छ।
• बचतका आधारमा १ लाख देखि ५ लाखसम्मको दुर्घटनामा बीमा रहेको छ।  
• यस बचत खातामा एबीबीएसको सुविधा उपलब्ध भएकोले जुनसुकै शाखाबाट पनि झिक्न/राख्न मिल्छ
• सदस्यले ई–सेवामार्फत पनि आवश्यक विवरण भरी बचत रकम जम्मा गर्न सक्नेछन्।