काठमाण्डौ । नेपाल उद्योग वाणिज्य महासंघमा वरिष्ठ उपाध्यक्षका प्रत्याशी चन्द्रप्रसाद ढकालले महासंघको नेतृत्वमा पुग्ने व्यक्तिसँग आफ्नै भिजन र एजेण्ड हुनुपर्ने बताएका छन् । 

महासंघको जारी साधारणसभाका क्रममा आजको बन्द सत्रमा उनले भने, “कुनै पनि संस्थाको नेतृत्व गर्न जाने व्यक्तिसंग महासंघलाई कुशलतापूर्पका हाँक्ने, संस्थाको गरिमालाई उँचो बनाउने र त्यसमा आबद्ध सरोकारवालाको भविष्यलाई सुनिश्चित गर्ने भिजन र एजेण्डा हुनुपर्छ ।” 

उनको यो मन्तव्यको आसय वरिष्ठ उपाध्यक्ष पदका अर्का प्रत्यासीसँग आफ्नै एजेण्डा र भिजन नरहेको र उनले चुनावको अन्तिम दिनसम्म पनि आफ्नो नभएर अर्कैको एजेण्डामा रहेको भन्ने थियो । 

सो मन्तव्यमा ढकालले भने, “म यस संस्थाको नेतृत्वमा आएर आफ्नै भिजन र एजेण्डामार्पmत् महासंघलाई आमूल परिवर्तन गर्दै व्यवसायी साथीहरुको मनोबल उच्च बनाउने र देशमा उद्योगमैत्री तथा व्यवसायमैत्री वावतावरण बनाउन सक्छु, मसँग आफ्नै भिजन र एजेण्डा छन्, हामीलाई चाहिएको निजी क्षेत्रका एजेण्डा हुन जो हामीले बोकेका छौँ, आगामी दिनमा यी पूरा गर्ने प्रतिबद्धता पनि व्यक्त गर्दछु ।” 

उनले महासंघमा हुने विजय या पराजय सफलता र असफलता होईनन् भने । सो क्रममा ढकालले भने “महाधिवेशनपछि पनि हामी टाढा हुने छैनौ, हाम्रो ब्यापार र हाम्रो उद्यमले हामीलाई जोड्ने नै छ ।”

ढकालले आधा शताब्दी लामो गौरवशाली इतिहास बोकेको नेपाल उद्योग बाणिज्य महासंघको नेतृत्व गर्नका लागि निजी क्षेत्रको विकास गर्ने एजेण्डा र भिजन  भएको वास्तविक व्यवसायी नै आउनुपर्ने पनि सो क्रममा बताए । 

काठमाण्डौमा मंसिर ११ गतेबाट सुरु भएको महासंघको ५४ औं साधारणसभामा बोल्दै ढकालले आम उद्योगी व्यवसायीको वास्तविक एजेण्डालाई प्राथमिकता नदिएर अरु कसैको आडभरोसामा उमेद्वारी दिएका व्यक्तिले महासंघलाई नयाँ गति दिन नसक्ने जिकिर पनि गरे ।