काठमाण्डौ । नागरिक लगानी कोष (सीईटी) को हकप्रद सेयरमा आवेदन दिने म्याद अब २ दिनमात्र बाँकी रहेको छ।
कोषले गत पुस २८ गतेदेखि १ः०.८२८४ को अनुपातमा हकप्रद निष्कासन गरेको छ। यो हकप्रदमा आज आइतबार र भोलि सोमबार बैंकिङ समयसम्म आवेदन सकिने धितोपत्र बिक्री प्रबन्ध आरबीबी मर्चेन्ट बैंकिङ लिमिटेडले जनाएको छ।
कोषको हाल कायम चुक्तापुँजी १ अर्ब ६४ करोड ७ लाख ४० हजार ८०० रुपैयाँको एक सेयरबराबर नयाँ ०.८२८४ निष्कासन गरेको छ। १०० रुपैयाँ अंकित दरका १ करोड ३५ लाख ९२ हजार ५९२ कित्ता हकप्रद सेयरमा सेयरधनीहरुले आवेदन दिन सक्नेछन्।
सेयरधनीहरुले यो हकप्रद खरिदका लागि नेपाल धितोपत्र बोर्डबाट स्वीकृत प्राप्त आस्वा सेवामा सहभाभागी बैंक तथा वित्तीय संस्थाहरुका साथै टेकुस्थित आरबीबी मर्चेन्ट बैंकिङ लिमिटेड, राष्ट्रिय वाणिज्य बैंकका शाखाहरु वीरगन्ज, जनकपुर, भरतपुर, बनेपा, बागलुङ, बुटवल, नेपालगन्ज, वीरेन्द्रनगर, धनगढी, हेटौँडा, बिर्तामोड र नागरिक लगानी कोषको काठमाण्डौ नयाँबानेश्वरस्थित केन्द्रीय कार्यालय र शाखाहरु विराटनगर र पोखराबाट आवेदन दिन सक्नेछन्।
हकप्रद निष्कासन प्रयोजनार्थ कोषले यही पुस १४ गते एक दिनका लागि बुक क्लोज गरिसकेको छ। यसको अर्थ पुस १३ गतेसम्म कायम सेयरधनीहरुमात्र यो हकप्रद खरिदका लागि योग्य हुनेछन्।
यो हकप्रद निष्कासनका लागि धितोपत्र बोर्डले भने गत पुस २ गते अनुमति प्रदान गरेको थियो।
1 month ago
1 month ago
1 month ago
1 month ago
1 month ago
2 months ago
2 months ago
2 months ago
2 months ago
2 months ago