काठमाण्डौ । ह्वाट्सएपले प्रयोगकर्ताको अनुभवलाई अझ राम्रो बनाउन नयाँ फिचरहरु लन्च गरिरहन्छ। 

कम्पनीले प्रयोगकर्तालाई राम्रो अनुभव दिन फेरि दुई नयाँ फिचर ल्याएको छ । यसका साथ आईओएस प्रयोगकर्ताले क्याप्सनका साथ म्यासेज फर्वार्ड गर्न सक्छन्। जब कि एन्ड्रोइड प्रयोगकर्ता आफैँ कुराकानी गर्न सक्छन्। 

ह्वाट्सएपको यी नयाँ सुविधाका साथ आईओएस प्रयोगकर्ताले कुनै पनि फोटो वा भिडियोलाई क्याप्सनका साथ फर्वार्ड गर्न सक्छन्। अब जब तपाइँ कुनै पनि मिडिया फर्वार्ड गर्ने प्रयास गर्नुहुन्छ तब तल क्याप्सन बक्स पनि देख्नुहुनेछ।

प्रयोगकर्ताले मन नपरेको खण्डमा डिसमिस पनि गर्न सक्छन्। अर्थात्, यदि तपाइँ यो क्याप्सन बक्समा केही लेख्न चाहनुहुन्न भने तपाइँ यसलाई हटाउन पनि सक्नुहुन्छ। ह्वाट्सएपको यो नयाँ मिडिया फर्वार्ड फिचर आईओएस २२.२३.७७ भर्जनमा देखिएको छ।

यदि तपाइँले ह्वाट्सएपको यो अपडेट प्राप्त गर्नुभएको छैन भने यो आगामी समयमा तपाइँका लागि उपलब्ध हुन सक्छ। कम्पनीले यसलाई जारी गरेको छ तर सबैले एकै समयमा यो सुविधा प्राप्त गर्दैनन्। यस्तो अवस्थामा तपाइँले नयाँ अपडेटका लागि केही समय कुर्नुपर्नेछ।

ह्वाट्सएपले अब प्रयोगकर्तालाई आफूलाई पनि म्यासेज पठाउने सुविधा दिएको छ। यसबाट तपाइँले नोट र म्यासेज अटोमेटिक पठाउन र सेभ गर्न सक्नुहुन्छ। सजिलो भाषामा भन्दा यो सुविधा तपाइँको लागि नोटप्याडको रुपमा काम गर्नेछ। यसमा राम्रो कुरा यो हो कि तपाइँले कुनै पनि महत्वपूर्ण म्यासेजाई पिन वा स्टार गरेर सजिलै पहुँच गर्न सक्नुहुन्छ।

ह्वाट्सएपको यो फिचर नियमित च्याटजस्तै देखिन्छ। तर, तपाइँले अडियो–भिडियो कल, नोटिफिकेसन म्युट वा ब्लक गर्न सक्नुहुन्न। यसबाहेक तपाइँले अन्तिम दृश्य वा अनलाइन स्थिति पनि देख्नुहुने छैन। यसका लागि नयाँ च्याटको विकल्पमा गएरमात्रै तपाइँ आफैँले च्याट सुरु गर्न सक्नुहुन्छ। –एजेन्सी