गभर्नर नियुक्तिसम्बन्धी विवादको सुनुवाई आइतबार

NEPAL RASTRA BANK
बिहीबार, बैशाख ११,२०८२ 17:09:16

काठमाण्डौ । नेपाल राष्ट्र बैंकको गभर्नर नियुक्तिसम्बन्धी विवादको सुनुवाई अब आइतबार हुने भएको छ । बिहिबार र शुक्रबार बन्दी प्रत्यक्षीकरण र अति जरुरी बाहेकका रिटमा सुनुवाई नहुने भएकाले यो विषयको सुनुवाई आइतबार हुने भएको हो ।

गभर्नर नियुक्तिसम्बन्धी विवाद अति जरुरीमा नपरेकोले अब आइतबार मात्रै यो रिटमाथिको पेशी चढ्नेछ । यसअघि गभर्नर नियुक्तिसम्बन्धी रिट र उक्त रिटमाथि परेको पूरक निवेदन लगातार ४ दिनसम्म हेर्न नभ्याइनेमा परेको थियो । नेपाल राष्ट्र बैंकका कार्यकारी निर्देशक भट्टलाई गभर्नर नियुक्ति नगर्न र गभर्नर बन्न उमेर हद संशोधन गरी हटाइएको विषयमा गत वैशाख ५ गते सर्वोच्चमा रिट परेको थियो ।

भट्टलाई गभर्नर नियुक्तिका लागि योग्यता नपुगेको भन्दै अधिवक्ताद्वय प्रतिभा उप्रेती र विशाल थापाले सर्वोच्च अदालतमा पूरक निवेदन दर्ता गराएका थिए । यसअघि दुवै जनाले ६५ वर्षभन्दा बढी उमेरका व्यक्तिलाई पनि गभर्नर नियुक्त गर्न मिल्ने गरी संशोधित अर्थ मन्त्रालय सम्बद्ध सार्वजनिक निकाय पदाधिकारी तथा सदस्यको नियुक्ति मापदण्ड कार्यान्वयन नगर्न सर्वोच्चमा रिट दायर गरेका थिए ।