एनआईसी एशियाका ग्राहकले सिपी हस्पिटलको सेवामा २०% सम्म छुट पाउने

काठमाण्डौ । एनआईसी एशिया बैंकका ग्राहकहरुलाई स्वास्थ्यउपचार सेवामा विशेष छुट उपलब्ध गराउने सम्बन्धमा सिपी हस्पिटल प्रा.लि. र बैंकबीच सम्झौता भएको छ ।  

यस समझदारीसँगै यस बैंकका ग्राहकले धनगढी, कैलालीमा रहेको सिपी हस्पिटलमा आफ्नो स्वास्थ्य उपचार गरी डिजिटल भुक्तानी गर्दा अस्पतालले उपलब्ध गराएको विभिन्न सेवाहरुमा २० प्रतिशतसम्म छुट प्राप्त गर्नसक्ने बताइएको छ । 

यो बैंकका ग्राहके ओपिडी, प्याथोलोजी, एक्सरे, यूएसजी, इन्डेसकोपी, कोलोनोसकोपी, नर्मल बेड, एचडूयू बेड वा आईसीयू, एसी क्याबिन, सर्जरी, मेडिसिन, सिटी स्क्यान जस्ता सेवाहरुमा सो छुट सुविधा प्रयोग गर्नसक्ने बताइएको छ । 

यस सुविधा प्रयोग गर्न ग्राहकहरुले यस बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्नेछ । उक्त हस्पिटलसँगको यस सहकार्यले उक्त क्षेत्रमा यस बैंकका ग्राहकहरुलाई स्वास्थ्य उपचारमा विशेष सहयोग हुनुको साथै मुलुकको डिजिटल भुक्तानी सेवालाई प्रवद्र्धन गरी नगदरहित कारोबारमा सहयोग पुग्ने बैंकले विश्वास लिएको छ ।