प्रभु बैंकले घटायो मुद्दती निक्षेपको ब्याजदर, अब कुन अवधिका लागि कति पाइन्छ ?

BANKING
सोमबार, असार ३१,२०८१ 07:02:54

काठमाण्डौ । प्रभु बैंक लिमिटेडले साउन १ गतेदेखि लागू हुनेगरी नयाँ ब्याजदर सार्वजनिक गरेको छ । बैंकले साउन महिनाका लागि व्यक्तिगत र संस्थागत दुवैको ब्याजदर घटाएको छ ।

बैंकले असार महिनाका लागि व्यक्तिगत मुद्दती निक्षेपतर्फ अधिकतम ७ प्रतिशत ब्याजदर निर्धारण गरेको छ । व्यक्तिगत मुद्दती निक्षेपतर्फ जेठ महिनाका लागि भने बैंकले अधिकतम ७.५०० प्रतिशत ब्याजदर दिएको थियो।

बैंकले व्यक्तिगत मुद्दतीतर्फ ३ महिनादेखि ५ महिना अवधिका लागि ५.५०० प्रतिशत,६ महिनादेखि १२ महिना अवधिका लागि ६ प्रतिशत,१२ महिनामाथि देखि ५ वर्ष अवधिका लागि ६.५०० प्रतिशत र ५ वर्षभन्दा माथिका लागि ७ प्रतिशत ब्याजदर निर्धारण गरेको छ ।

यसैगरी बैकले संंस्थागत मुद्दती निक्षेपअन्तर्गत ६ महिनादेखि १२ वर्षसम्मका लागि ४.५०० प्रतिशत,१२ महिनामाथि देखि ५ वर्षसम्मका लागि ५ प्रतिशत र ५ वर्षभन्दा माथिको अवधकिा लागि ६ प्रतिशत ब्याजदरको व्यवस्था गरेको छ ।

बैंकले प्रभु हाईब्रिड बचत खाता अन्तर्गत १२ महिनामाथि देखि ५ वर्षसम्मका लागि ६.५०० प्रतिशत र ५ वर्षभन्दा माथिको अवधकिा लागि ७ प्रतिशत ब्याजदरको व्यवस्था गरेको छ । साथै स्वर्णिम मुद्दती बचत खाताअन्तर्गत(व्यक्तिगत मात्रै)५ वर्ष अवधिका लागि ७ प्रतिशत ब्याजदर तोकेको छ ।