(2).gif)
.jpg)
.png)
काठमाण्डौ । पूर्वमन्त्री तथा नेकपा एमालेका नेता विष्णु पौडेललाई सोमबार विशेष अदालतमा उपस्थित गराइएको छ।
सम्पत्ति शुद्धीकरणसम्बन्धी अनुसन्धान प्रक्रियाअन्तर्गत उनलाई बयान तथा अन्य कानूनी कार्यवाही अघि बढाउन अदालतमा पेश गरिएको हो।
(2).gif)
.gif)
(1).gif)
यसअघि असार ८ गते सुर्खेतबाट पक्राउ परेका पौडेलविरुद्ध सार्वजनिक पदको दुरुपयोग गरी व्यवसायी दीपक भट्टलाई सेयर खरिद प्रक्रियामा सहजीकरण गरेको आरोपमा अनुसन्धान भइरहेको छ।
उक्त प्रकरणमा सम्पत्ति शुद्धीकरण अनुसन्धान विभागले आर्थिक लेनदेन, निर्णय प्रक्रिया तथा सम्बन्धित कागजातहरूको विस्तृत छानबिन गरिरहेको जनाएको छ।
विभागका अनुसार अनुसन्धानका क्रममा सार्वजनिक पदको प्रभाव प्रयोग गरी गैरकानूनी आर्थिक लाभ हुने गरी निर्णय प्रक्रिया अघि बढाइएको आशंका गरिएको छ।
सो घटनासँग सम्बन्धित विभिन्न वित्तीय कारोबार र प्रशासनिक अभिलेखहरूको गहिरो विश्लेषण भइरहेको पनि बताइएको छ।
.gif)
(1).gif)
यसैबीच, पौडेलको पक्राउविरुद्ध दायर गरिएको बन्दी प्रत्यक्षीकरण (हाबियस कोर्पस) रिटमा सर्वोच्च अदालतले यसअघि नै कारण देखाऊ आदेश जारी गरिसकेको छ।
अदालतले सम्बन्धित निकायलाई पक्राउको कानुनी आधार स्पष्ट रूपमा प्रस्तुत गर्न निर्देशन दिएको थियो।
विशेष अदालतमा पेश गरिएसँगै अब मुद्दा बयान, प्रमाण परीक्षण तथा विस्तृत कानूनी बहसको चरणमा प्रवेश गर्ने अपेक्षा गरिएको छ।
यो प्रकरणलाई राजनीतिक तथा प्रशासनिक वृत्तले नजिकबाट नियालिरहेको छ।
.png)
.jpg)
