(2).gif)
.png)
काठमाण्डौ । इन्टर मियामीका स्टार फरवार्ड लियोनल मेस्सी टोलीमा फर्किएका छन्। मेस्सी अमेरिकी मेजर लिग सकर (एमएलएस) अन्तर्गत कोलम्बस क्रूसँग हुने पूर्वी सम्मेलनको खेलका लागि टोलीको खेलाडी सूचीमा समावेश भएका छन्। यद्यपि, उनी सुरुआती ११ मा नभई वैकल्पिक खेलाडीको रुपमा मैदान छिरेका थिए ।
इन्टर मियामीले मेस्सी खेल्ने वा नखेल्ने विषयमा अन्तिम समयसम्म स्पष्ट जानकारी दिएको थिएन। तर, प्रशिक्षणमा फर्किएपछि उनलाई कोलम्बस क्रूसँगको खेलका लागि वैकल्पिक खेलाडीको सूचीमा राखिएको थियो।
खेलको ५२औँ मिनेटमा मियामी २–१ ले अगाडि रहेको अवस्थामा मेस्सी मैदान प्रवेश गरे। समर्थकहरूले उनको पुनरागमनमा पुरानै जादु देखिने अपेक्षा गरेका थिए। तर, यसपटक मेस्सीले प्रभाव जमाउन सकेनन्।
खेलको दोस्रो हाफको इन्जुरी समयमा स्कोर २–२ को बराबरी थियो। मेस्सीले केही समय र स्थान पाएर दायाँ खुट्टाले प्रहार गरे पनि बल गोलपोस्टभन्दा निकै माथिबाट बाहिरियो। यो क्षण उनको सम्भावित शानदार पुनरागमनको अन्त्यजस्तै बन्यो।
मियामीका लागि लुइस स्वारेजले उत्कृष्ट गोल गरे भने नोआ एलेनले अर्को गोल थपे। तर, कमजोर देखिएको रक्षापंक्तिका कारण कासेमिरोको आत्मघाती गोल र ब्राइस मेन्डेजको अन्तिम समयको फ्रिकिक गोलले कोलम्बसलाई बराबरीमा फर्कायो।
सामान्यतया मेस्सीले यस्ता परिस्थितिमा टोलीको कमजोरी ढाक्ने गरेका छन्। तर, कोलम्बसविरुद्ध उनले त्यसो गर्न सकेनन्।
.png)
.jpg)
.jpg)
