(1).gif)
(2).gif)
(1).gif)
.png)
काठमाण्डौ । नबिल बैंक लिमिटेडले आफ्नो लाभांश क्षमता ५४.८७ प्रतिशतले बढाएको छ । बैंकले गत आवको चौथो त्रैमाससम्म लाभांश क्षमता १७.६४ प्रतिशत पुर्याएको छ । जुन अघिल्लो आवको सोही अवधिसम्म भने ११.३९ प्रतिशतमात्रै थियो ।
बैंकको वितरणयोग्य मुनाफा समेत ५४.८२ प्रतिशतले बढ्दै ४ अर्ब ७७ करोड रुपैयाँ पुगेको छ । अघिल्लो आवमा ६ अर्ब १९ करोड खुद नाफा आर्जन गरेको बैंकले समीक्षा अवधिसम्म भने ७ अर्ब १२ करोड रुपैयाँबराबरको खुद नाफा आर्जन गरेको छ । यसरी बैंकको खुद नाफामा १५.०१ प्रतिशतको सुधार आएको छ ।
यस्तै बैंकले यो अवधिसम्म १६ अर्ब ३२ करोड रुपैयाँबराबरको खुद ब्याज आम्दानी गरेको छ । अघिल्लो आवमा भने बैंकले १६ अर्ब ३१ करोड रुपैयाँबराबरको खुद ब्याज आम्दानी गरेको थियो । बैंकको खुद सञ्चालन आम्दानी १५ अर्ब ६७ करोड रुपैयाँबाट बढेर १८ अर्ब ६० करोड र सञ्चालन मुनाफा ८ अर्ब ६४ करोडबाट वृद्धि भएर १० अर्ब ८४ करोड पुगेको छ ।
.gif)
.gif)
रिटेन्ड अर्निङ ५४.८२ प्रतिशतले बढाएको बैंकको रिजर्भमा ३१ अर्ब ९० करोड रुपैयाँ सञ्चित रहेको छ ।
यो अवधिमा बैंकको निक्षेप संकलन १३.५३ प्रतिशतले बढेर ५ अर्ब २४ अर्ब पुगेको छ । कर्जा प्रवाह पनि १०.४९ प्रतिशतले बढेर ४ खर्ब १२ अर्ब पुगेको छ । बै.कले इम्पेयरमेन्ट चार्ज घटाएको छ । अघिल्लो आवमा ४ अर्ब ६३ करोड रहेको बैंकको इम्पेयरमेन्ट चार्ज घटेर २ अर्ब ३९ करोड रुपैयाँमा सीमित बनेको छ ।
बैंकको खराब कर्जा अनुपात ४.४५ प्रतिशतबाट घटेर ४.२७ प्रतिशतमा झरेको छ । यस्तै बैंकको कस्ट अफ फण्ड ५.८६ प्रतिशतबाट घटेर ४.४१ प्रतिशतमा सीमित बनेको छ ।
यस बैंकको प्रतिसेयर आम्दानीमा पनि सुधार आएको छ । अघिल्लो आवमा चौथो त्रैमाससम्म २२.९० रुपैयाँ रहेको प्रतिसेयर आम्दानी बढेर २६.३४ रुपैयाँ पुगेको छ । समीक्षा अवधिसम्म बैंकको प्रतिसेयर नेटवर्थ २३५.५८ रुपैयाँ, प्रतिसेयर कुल सम्पत्तिको मूल्य २ हजार ३५९ रुपैयाँ, मूल्य आम्दानी अनुपात २०.५५ गुणा र तरलता अनुपात २७.३१ प्रतिशत कायम भएको छ ।
.png)
(2).jpg)
(1).jpg)
(1)(45).jpg)
(2).jpg)
