.gif)
(1).gif)
(2).gif)
.jpg)
(1).gif)
.png)
काठमाण्डौ । क्रेष्ट माइक्रो लाइफ इन्स्योरेन्स कम्पनी लिमिटेडले गत आवको चौथो त्रैमाससम्मको अपरिष्कृत वित्तीय विवरण सार्वजनिक गरेको छ । जसअनुसार कम्पनीको नाफा ८५.०२ प्रतिशतले बढेको छ । कम्पनीले उक्त अवधिसम्म २ करोड २७ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने कम्पनीले १ करोड २२ लाख रुपैयाँबराबरको खुद नाफा आर्जन गरेको थियो ।
समीक्षा अवधिमा कम्पनीको खुद बीमाशुल्क आर्जन पनि बढेको छ । कम्पनीले ३३ करोड ९२ लाख रुपैयाँबराबरको खुद बीमाशुल्क आर्जन गरेको छ । यो रकम अघिल्लो आवको तुलनामा ३०२.५७ प्रतिशतले बढी हो । अघिल्लो आवमा कम्पनीले ८ करोड ४२ लाख खुद बीमाशुल्क आर्जन गरेको थियो ।
.gif)
.gif)
कम्पनीले ३८ करोड ८७ लाख कुल आम्दानी गरेको छ । यो रकम अघिल्लो आवको तुलनामा १९४. ४४ प्रतिशतले बढी हो । अघिल्लो आवसम्म १२ करोड ७३ लाख रुपैयाँ रहेको कम्पनीको कुल खर्च बढेर ३६ करोड ६० लाख रुपैयाँ पुगेको छ । यस्तै कम्पनीको दाबी भुक्तानी पनि ४ करोड ८६ लाखबाट बढेर २१ करोड ९६ लाख पुगेको छ ।
कम्पनीको महाविपत्ती कोषको आकार ३२ लाख ६५ हजार र रिटेन्ड अर्निङको आकार २ करोड ३१ लाख रहेको छ ।
समीक्षा अवधिसम्म कम्पनीले ३ लाख ७८ हजार २६८ वटा बीमा पोलिसी जारी गरेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)३.०३ रुपैयाँ,प्रतिसेयर नेटवर्थ १०४.५१ रुपैयाँ, प्रतिसेयर कुल सम्पत्तिको मूल्य १३६.९० रुपैयाँ र मूल्य आम्दानी अनुपात ४५०.६० गुणा कायम भएको छ ।
.png)
(2).jpg)
.jpg)
.jpg)
.jpg)
