.gif)
(2).gif)
.jpg)
_(1).gif)
.png)
काठमाण्डौ । भारतमा स्वास्थ्य बीमा सम्बन्धी नियममा ठूलो परिवर्तन गरिएको छ । भारतको बीमा नियामक इन्स्योरेन्स रेगुलेटरी एण्ड डेभलपमेन्ट अथोरिटी अफ इण्डिया(आरडीएआई)ले स्वास्थ्य बीमा खरिद सम्बन्धी नियमहरुमा परिवर्तन गर्दै पोलिसी खरिद गर्ने व्यक्तिका लागि ६५ वर्षको उमेरको सिमा हटाएको छ । यसअघि भारतमा ६५ वर्ष उमेरसम्म मात्रै नयाँ स्वास्थ्य बीमा पोलिसी खरिद गर्न पाउने व्यवस्था थियो ।
स्वास्थ्य बीमा योजना खरिद गर्ने उमेरको हकबन्दी हटाउनुलाई बीमा क्षेत्रमा अधिक समावेशीता र सुलभ स्वास्थ्य सेवा उपलब्ध गराउने कदमका रुपमा लिइएको छ । १ अप्रिल २०२४ देखि लागू भएको स्वास्थ्य बीमा पोलिसीका लागि यो नयाँ नियम लागू हुने जनाइएको छ । यसको अर्थ अब भारतमा कुनै पनि उमेरका व्यक्तिले बीमा पोलिसी खरिद गर्न सक्नेछन् ।
.gif)
आरडीएआईले सर्कुलर जारी गर्दै सबै बीमा कम्पनीहरुलाई सम्पूर्ण उमेर समूहका व्यक्तिका लागि स्वास्थ्य बीमा प्रडक्ट उपलब्ध गराउन निर्देशन दिएको छ । यसका साथै नियामकले बढी उमेर भएका व्यक्तिका लागि जारी गरिएको बीमा पोलिसीसँग सम्बन्धीत दाबी भुक्तानीको विषयलाई सम्बोधन गर्नका लागि डेडिकेटेड च्यानल स्थापना गर्न समेत बीमा कम्पनीहरुलाई निर्देशन दिएको छ ।
यसका साथै सर्कुलरमा आरडीएआईले बीमा कम्पनीहरुलाइ्र्र पहिले कुनै प्रकारको स्वास्थ्य समस्या भएका व्यक्तिहरुलाई स्वास्थ्य बीमा पोलिसी उपलब्ध गराउन समेत निर्देशन दिएको छ । यसमा बीमा कम्पनीहरुलाई क्यान्सर,हर्ट अट्याक र एचआईभी एड्स जस्ता गम्भिर रोग लागेका व्यक्तिलाई समेत बीमा पोलिसी जारी गर्न निर्देशन दिइएको छ । यसअघि यस्ता व्यक्तिहरुलाई बीमा पोलिसी बिक्री गर्न प्रतिबन्ध लगाइएको थियो ।
यस्तै आरडीआईले हेल्थ इन्स्योरेन्स वेटिङ पिरियडलाई पनि ४८ महिनाबाट घटाएर ३६ महिना कायम गरेको छ ।
.png)
.png)
.jpg)
(1).gif)
.gif)
