नेप्सेमा ३ वटा कम्पनीको सेयरमूल्य समायोजन, प्रतिकित्ता कति ?

काठमाण्डौ । नेपाल स्टक एक्सचेञ्ज(नेप्से)मा सूचीकृत ३ वटा कम्पनीको सेयरमूल्य समायोजन भएको छ । यी कम्पनीले आफ्ना सेयरधनीहरुलाई प्रस्ताव गरेको बोनस सेयर र हकप्रदका लागि सेयरमूल्य समायोजन भएको हो ।  

नेप्सेमा नेशनल लाइफ, एनएलजी इन्स्योरेन्स र बरुण हाईड्रोको सेयरमूल्य समायोजन भएको हो ।  

नेशनल लाइफले प्रस्ताव गरेको ५ प्रतिशत बोनस सेयरका लागि सेयरमूल्य समायोजन भएको छ। समायोजनपश्चात  कम्पनीको सेयरमूल्य प्रतिकित्ता ५९८.४४ रुपैयाँ कायम भएको छ ।  

समायोजन अघि कम्पनीको सेयरमूल्य प्रतिकित्ता ६२८.३६ रुपैयाँ कायम थियो ।  

त्यस्तै एनएलजी इन्स्योरेन्सको २.५० प्रतिशत बोनस सेयरका लागि सेयरमूल्य समायोजन भएको छ । समायोजनपश्चात कम्पनीको सेयरमूल्य प्रतिकित्ता ७४१.४८ रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता ७६०.०२ रुपैयाँ कायम थियो ।  

यस्तै बरुण हाईड्राको शतप्रतिशत हकप्रद सेयरका लागि समेत सेयरमूल्य समायोजन भएको छ । कम्पनीको सेयरमूल्य प्रतिकित्ता २९०.३६ रुपैयाँ कायम भएको छ । समायोजनअघि कम्पनीको सेयरमूल्य प्रतिकित्ता ४८०.७२ रुपैयाँ कायम थियो ।    

आजको कारोबारदेखि नयाँ समायोजित मूल्य अनुसार यी  कम्पनीको सेयरमूल्य दोस्रो बजारमा कारोबारमा आउनेछ ।