.gif)
(1).gif)
(2).gif)
.gif)
.png)
काठमाण्डौ । एभरेष्ट बैंक लिमीटेडले आर्थिक वर्षको २०८१ ८२ को चौथो त्रैमाससम्ममा ४ अर्ब ९५ करोड बढी वितरणयोग्य मुनाफा आर्जन गर्दै ३८.२७ प्रतिशत बराबरको लाभांश क्षमता बनाएको छ ।
बैंकले प्रमुख वित्तीय सूचकहरुमा आमूल सुधार गर्दै गत वर्षको यही अवधिमा रहेको २८.०६ प्रतिशतको लाभांश क्षमतालाई २६.६७ प्रतिशतले बढाउने सफलता प्राप्त गरेको हो ।
समीक्षा अवधिमा १२ अर्ब ९४ करोड चुक्तापूँजी भएको बैंकले खूद नाफा पनि बढाएर ४ अर्ब ९१ करोड माथि पुर्याएको छ, जुन अघिल्लो वर्षको सोही अवधिको ३ अर्ब ७० करोडको तुलनामा ३२.८० प्रतिशतको बढोत्तरी हो ।
(1).gif)
नाफामा सुधार भएसँगै अघिल्लो वर्ष ३१.४७ रुपैयाँमा सीमित प्रतिसेयर आम्दानी ३७.९९ रुपैयाँ पुगेको छ ।
एभरेष्ट बैंकले अघिल्लो वर्षको यही अवधिसम्म ५ अर्ब ६६ करोड रुपैयाँमा सीमित सञ्चालन मुनाफा बढेर ७ अर्ब ४५ करोड माथि पुगेको छ भने ७ अर्ब ६४ करोडमा सीमित खूद ब्याज आम्दानी बढेर ९ अर्ब १२ करोड बढी पुगेको छ ।
बैंकले विषम परिस्थितिमा समेत निस्क्रिय कर्जा घटाउने सफलता प्राप्त गरेको छ । जसअनुसार अघिल्लो वर्ष ०.७१ प्रतिशत रहेको यस्तो कर्जाको अनुपात घटेर ०.३८ प्रतिशतमा सीमित बन्न पुगेको छ ।
अघिल्लो वर्ष यही अवधिमा १३.९३ प्रतिशतमा सीमित रिटर्न अन इक्वीटी(आरओई) बढेर यो वर्ष १६.४४ प्रतिशत पुगेको छ भने प्रतिसेयर नेटवर्थ रु. २३६.२८ बाट बढेर रु.२४७.३९ रुपैयाँको उचाईमा पुगेको छ ।
(2).gif)
समीक्षा अवधिसम्म बैंकको कुल निक्षेप २ खर्ब ९८ अर्ब ८१ करोड तथा कुल कर्जा प्रवाह २ खर्ब १३ अर्ब ६२ करोड रुपैयाँ रहेको छ । अघिल्लो वर्षको यही अवधिसम्म बैंकको निक्षेप २ खर्ब ३२ अर्ब ३१ करोड तथा कुल कर्जा १ खर्ब ७८ अर्ब २१ करोडमा सीमित रहेको थियो ।
बैंकको कस्ट अफ फण्ड अघिल्लो वर्षको ५.६४ प्रतिशतबाट घटेर ३.८७ प्रतिशतमा सीमित बनेको छ भने आधार दर ८.१३ बाट घटेर ५.२७ प्रतिशतमा आइपुगेको छ ।
समीक्षा अवधिमा एभरेष्ट बैंकको तरलता अनुपात ३८.९४ प्रतिशत, सम्पत्तिमा प्रतिफल १.४९ प्रतिशत तथा पीई अनुपात १८.४७ गुणा कायम भएको छ ।
.png)
.gif)
.png)
.jpg)
