सर्वसाधारणका लागि नबिल बैंकको १.२५ लाख कित्ता संस्थापक सेयर बिक्रीमा

काठमाण्डौ । नबिल बैंक लिमिटेडले विभिन्न संस्थापक समूहको सेयर बिक्रीमा राखेको छ । बैंकले संस्थापक सेयरधनीहरुको स्वामित्वमा रहेको १ लाख २५ हजार कित्ता संस्थापक सेयर बिक्रीमा राखेको हो ।  

सेयर खरिदका लागि सर्वसाधारण तथा कम्पनी तथा संस्थाले खरिद आवेदन दिन सक्नेछन् । संस्थापक सेयरधनीहरुले सूचना प्रकशित भएको ७ दिनभित्र बैंकको सेयर रजिष्ट्रार नबिल इन्भेष्टमेन्ट बैंकिङको कार्यालयमा आवेदन दिनुपर्नेछ ।

यसअघि बैंकले संस्थापक सेयरधनीहरुका लागि सेयर बिक्रीमा राखेपनि खरिद आवेदन नआएकाले आम सर्वसाधारणका लागि पुनः उक्त सेयर बिक्री गर्न लागिएको बैंकले जनाएको छ ।