उच्च लाभांश क्षमता भएका दुई वाणिज्य बैंक, कुन सूचकमा कुन अब्बल ?

काठमाण्डौ । चालु आर्थिक वर्षको दोस्रो त्रैमाससम्ममा वाणिज्य बैंकहरुमध्ये एभरेष्ट बैंक र स्ट्याण्डर्ड चार्टर्ड बैंक सबैभन्दा बढी लाभांश बाँड्न सक्षम देखिएका छन् ।  

वित्तीय अवस्था राम्रो भएकै कारण धितोपत्र दोस्रो बजारमा यी दुई बैंकको सेयरभाउ पनि उच्च छ । अधिकांश बाणिज्य बैंकहरुको सेयरभाउ २ सयको हाराहारीमा आइपुग्दा एभरेष्ट र स्ट्याण्डर्ड चार्टर्डको सेयरभाउ भने पाँच सय रुपैयाँभन्दा माथि छ ।  

पछिल्लो समय दोस्रो बजारमा ‘लो क्याप’ वा ‘मिड क्याप’कम्पनीहरु बढी चलेका छन् । नेप्सेमा सूचीकृत कम्पनीहरुमध्ये वाणिज्य बैंक समूहका कम्पनी तथा बैंकहरु ‘लार्ज क्याप’ अन्तर्गत पर्दछन् । अहिले बजारमा लार्ज क्याप कम्पनीहरु चल्न सकिरहेका छैनन् । आधारभूत पक्ष बलियो हुँदाका बाबजुत पनि नेप्सेमा सूचीकृत सेयर संख्या धेरै भएकाले डिमाण्ड भन्दा बढी सप्लाई हुन जाँदा वाणिज्य बैंकको सेयरभाउ माथि उक्लिन सकेको छैन । लार्ज क्याप भएकाले नै अधिकांश वाणिज्य बैंकको सेयरभाउ निकै सस्ता छन् ।  

तर यता एभरेष्ट र स्ट्याण्डर्ड चार्टर्ड बैंकको सेयरभाउ भने अन्य बैंकको तुलनामा महँगो नै छ । कारण यी दुई बैंकले लगानीकर्ताहरुलाई दिने लाभांशदर हो । वर्षेनी एभरेष्ट र स्ट्याण्डर्ड चार्टर्ड बैंकले लगानीकर्तालाई उत्कृष्ट लाभांश दिदै आइरहेको छ ।  

चालु आवको दोस्रो त्रैमासिक रिर्पोट हेर्दा यी दुई बैंक नै बढी लाभांश दिन सक्षम रहेको देखिन्छ । पछिल्लो समय वाणिज्य बैंकहरुको खराब कर्जा अनुपात बढेर आम्दानी र मुनाफामा संकुचन आउँदा लगानीकर्तालाई राम्रो प्रतिफल दिन सकिरहेका छैनन् ।  

पछिल्लो केही वर्षयता बैंकहरुमा तरलता थुप्रिएको अवस्था र प्रोजिभनका लागि ठूलो रकम छुट्याउनुपर्ने प्रावधानले बैंकहरुले सोचेजस्तो नाफा कमाउन र लगानीकर्तालाई समेत राम्रो लाभांश बाँड्न सकेका छैनन् ।  

चालु आवको दोस्रो त्रैमाससम्ममा सबैभन्दा बढी लाभांश क्षमता भएका बैंकहरुमा एभरेष्ट र स्ट्याण्डर्ड चार्टर्ड बैंक रहेका छन् । एभरेष्टले सो अवधिसम्मको विवरणअनुसार ३०.५८ प्रतिशत लाभांश दिन सक्ने क्षमता राख्दछ भने स्ट्याण्डर्ड चार्टर्डले २३.५५ प्रतिशत लाभांश बाँड्न सक्ने क्षमता राख्दछ ।  

यी दुई बैंकको समग्र वित्तीय अवस्था पनि राम्रै देखिएको छ । दोस्रो त्रैमाससम्म विभिन्न सूचकमा दुईमध्ये को कति बलियो देखिएको छ भनि तुलनात्मक अध्ययन तयार पारिएको छ । तर यो अध्ययन यी दुईमध्ये कुनै बैंकको सेयर खरिदका लागि सिफारिस गरिएको भने होइन ।

कुन सूचकमा कुन अब्बल ?