(1).gif)
(1).gif)
.gif)
.png)
काठमाण्डौ । सेयर बजारका जेनजी लगानीकर्ताले रिलायन्स स्पिनिंग मिल्सको आईपीओ निश्कासनको प्रक्रिया पुनः सुरु गर्दा धितोपत्र बोर्डले अदालतको आदेशको अपव्याख्या गरेको विषयमा घम्साघम्सी परेको छ ।
अध्यक्ष सन्तोषनारायण श्रेष्ठ विदामा बसेका कारण कार्यकारी निर्देशक डा. नवराज अधिकारीको नेतृत्वमा तीनजना सेबोनका कर्मचारी दिउँसो सेबोन पुगेका जेनजी लगानीकर्ताहरुसँग छलफलमा बसेका थिए ।
.gif)
सो क्रममा जेनजी लगानीकर्ताहरुले धितोपत्र बोर्डले रिलायन्स स्पिनिङ मिल्सको आईपीओलाई अदालतको फैसलाको गलत व्याख्या गरी महङ्गोमा भिराउने योजनाबमोजि रोकिएको प्रक्रिया पुनः सुरु गर्न हतार हतार अनुमति दिएको भन्दै विरोध जनाएका थिए ।
कर्मचारीले 'आफूहरुलाई यो विषयमा केही थाहा नभएको जवाफ' दिएपछि जेनजी लगानीकर्ताहरुले अदालतको आदेश पढेर सुनाउँदै त्यसको व्याख्या पनि गरिदिएका थिए ।
'अदालतको आदेशमा कानूनबमोजिम गर्नु भनेको छ, तर तपाईहरुले कानूनबमोजिम गर्नुभयो त ? २ वर्षअघिको वित्तीय विवरणमा आधारित कटअफ मूल्यमै आईपीओ निश्कासन गर्न दिने आधार के ? त्यस्तो कानून कहाँ छ, त्यो देखाइदिनुस् ।' जेनजीले र्याखर्याख्ती पार्दै सेबोनका कर्मचारीलाई सोधे-' लगानीकर्ताको हितविरोधी यस्तो काम किन भयो ? यसको जवाफ दिन सक्नुहुन्छ ?'
(1).gif)
जवाफमा धितोपत्र बोर्डका कर्मचारीहरुले आफूहरुलाई कानूनको विषयमा ज्ञान नभएको भन्दै पन्छिने काम गरेका थिए । यो विषय अध्यक्षलाई थाहा भएको र के आधारमा रिलायन्सको प्रक्रिया पुरानै मूल्यका आधारमा अगाडि बढ्यो भन्ने विषय पनि उहाँलाई नै थाहा हुने जवाफ दिए ।
त्यसपछि जेनजी लगानीकर्ताले आफूहरु आउने थाहा पाएपछि सेबोन अध्यक्ष अचानक विदामा बस्नुको कारण समेत मागेका थिए । त्यसमा समेत कर्मचारीले जवाफ दिन सकेनन् ।
उनीहरुले रिलायन्सको आईपीओमा ९ करोड ५० लाखको खेल भएको दाबीका साथ आफूहरुले अख्तियार दुरुपयोग अनुसन्धान आयोगमा समेत त्यसविरुद्ध उजुरी दिएको सो क्रममा सुनाएका थिए । अख्तियारमा हालिएको उजुरी समेत उनीहरुले कर्मचारीलाई पढेर सुनाइदिएका थिए ।
छलफलकै क्रममा केही जेनजी लगानीकर्ताले भनेका थिए-'सेबोनमा लगानीकर्ताको हित र बजारको हित होइन कि, आफ्नो हित कसरी हुन्छ मात्र हेरियो । पहिला भीष्मराज ढुंगानाले पनि त्यसै गरे, अहिले पनि त्यस्तै । अति भइसक्यो, अब चाहिँ हामी सहन्नौं ।'
(1).gif)
(2).gif)
.png)
.gif)
.jpg)
.png)
(1).gif)
