तीनकुनेको प्रदर्शनमा प्रहरीको गोली लागेका एकजना घाइतेको मृत्यु

काठमाण्डौ । आज राजधनीको तीनकुनेमा भएको प्रदर्शनमा एकजनाको मृत्यु भएको छ । राजावादीको प्रर्दशनका क्रममा प्रहरीले चलाएको गोली लागी घाइते भएका एक जनाकोको मृत्यु भएको हो ।  

निजलाई त्रिवि शिक्षण अस्पतालमा स्वास्थ्य उपचारका लागि पुर्‍याउँदा मृत्यु भएको हो । हाल मृतकको शव पोस्टमार्टमका लागि फरेन्सिक विभागमा पठाइएको छ । मृतकको विस्तृत परिचय खुलिनसकेको जनाइएको छ ।  

तीनकुनेमा आज राजावादी प्रदर्शनकारी र सुरक्षाकर्मीबीच भएका झडपका क्रममा २२ जना घाइते भएका छन् । प्रदर्शनकारीहरुले ठाउँ ठाउँ तोडफोड र आगजनी गरेका छन् । केही सरकारी गाडी तथा केही सवारीहरुमा समेत आगजनी भएको छ ।  

केही निजी घर तथा व्यवसायिक महलहरुमा समेत तोडफोड र ढुंगामूडा भएको छ ।  

स्थिति नियन्त्रणबाहिर गएपछि स्थानीय प्रशासनले तीनकुने र आसपासको क्षेत्रमा आज राति १० बजेसम्म कफ्र्यू आदेश जारी गरेको छ ।