डोङफेङ नामीको अन्तर्राष्ट्रिय सफलताः ४० भन्दा बढी देशमा १२ हजार भन्दा बढी युनिटहरू निर्यात

काठमाण्डौ । जुनफेङ कम्पनीका अनुसार, डोङफेङ नामीले उत्पादन गरेको विद्युतीय सवारी मोडल जेएफ–एस३ ले हालसम्म १२ हजार भन्दा बढी युनिटहरू ४० भन्दा बढी देश तथा क्षेत्रहरूमा निर्यात गर्दै उल्लेखनीय अन्तर्राष्ट्रिय उपलब्धि हासिल गरेको छ। यसले कम्पनीको विश्वव्यापी रणनीतिक विस्तारलाई थप सुदृढ बनाएको स्पष्ट संकेत गरेको कम्पनीको भनाई छ। सन् २०२४ को डिसेम्बरदेखि युरोपमा डेलिभरी सुरु भएपछि, जेएफ–एस३ ले युरोपेली बजारमा उल्लेखनीय उपस्थिति जनाउँदै आएको छ।

जनवरी महिनामा नेदरल्याण्डमा चिनियाँ ब्रान्डमध्ये जेएफ–एस३ सबैभन्दा बढी बिक्री भएको इभी बनेको थियो । जसमा करिब ३०० युनिट डेलिभर गरिएको थियो। डिलरहरूको भनाइमा, यस मोडलले युरोपेली उपभोक्ताहरूको स्थान उपयोग र सवारी अनुभवका अपेक्षाहरूलाई सन्तुलित ढंगले सम्बोधन गरेको छ । जसले अर्डरहरू अनुमानभन्दा उच्च दरमा वृद्धि गराएको हो। नर्वेमा, जहाँ विद्युतीय सवारीको प्रयोग विश्वमै सर्वाधिक छ, यो मोडलले पहिलो महिनामै १०० भन्दा बढी अर्डर प्राप्त गरेको छ र चिसो मौसममा यसको उत्कृष्ट प्रदर्शनले व्यापक प्रशंसा पाएको छ। चेक गणतन्त्रमा यसले आफ्नो सेग्मेन्टमा अग्रणी बजार हिस्सा हासिल गरेको छ । यस्तै लाट्भियामा चिनियाँ इभीहरूमध्ये सबैभन्दा उच्च १० प्रतिशत बजार हिस्सासहित नयाँ कीर्तिमान स्थापित गरेको छ। स्थानीय मिडियाले यसलाई ‘उद्योगको मापदण्ड परिभाषित गर्ने उत्पाद’ भनेर प्रशंसा गरेको छ।

जेएफ–एस३ को सफलता सटीक बजार लक्ष्य निर्धारण र स्थानीय आवश्यकता अनुसार अनुकूलन गरिएका रणनीतिहरूको परिणामस्वरूप सम्भव भएको हो। उदाहरणका लागि, नेदरल्याण्डमा कम्पनीले युरोपेली सीसीएस२ चार्जिङ मापदण्ड अनुसार चार्जिङ इन्टरफेस परिमार्जन गरेको छ तथा बहुभाषीय सपोर्टसहितको इन्टेलिजेन्ट ककपिट विकास गरिएको छ। चेक गणतन्त्रमा हिउँदे प्याकेज अन्तर्गत न्यानो स्टेरिङ ह्वील र हिट पम्प एसी समावेश गरिएको छ। नर्वे संस्करणमा ब्याट्री इन्सुलेसन प्रणालीलाई २० डिग्रीसम्मको तापक्रममा स्थिर प्रदर्शन सुनिश्चित गर्ने गरी सुदृढ गरिएको छ।

प्रयोगका सम्भावनाहरूमा विविधता ल्याउँदै, जेएफ–एस३ विभिन्न क्षेत्रीय आवश्यकताहरूमा पनि प्रयोग भइरहेको छ। मेक्सिको सिटीमा साझा यातायात सेवा प्रदायकहरूको लागि यो मोडल आधिकारिक सवारीको रूपमा प्रयोग भइरहेको छ भने, बैंककमा यसलाई मोबाइल कफी वर्कशपको रूपमा उपयोग गरिएको छ। अफ्रिकी बजारमा सौर्य चार्जिङ किटसहितको संस्करणले पूर्वाधार अभावको सन्दर्भमा समाधान प्रस्तुत गर्दै चीनको नयाँ ऊर्जा सवारीहरू सेवा र इकोसिस्टमको समायोजनसहित निर्यात हुन थालेको स्पष्ट संकेत दिएको छ।

उत्पादन क्षमता विस्तारको सन्दर्भमा, डोङफेङ नामीले विश्वव्यापी संरचना निर्माणमा तीव्र प्रगति गरिरहेको छ। युरोपमा इन्टेलिजेन्ट सवारी र कनेक्टिभिटी प्रविधिमा केन्द्रित अनुसन्धान केन्द्र निर्माणको महत्वपूर्ण चरणमा छ। दक्षिणपूर्वी एसियामा केडी असेंब्ली प्लान्ट परीक्षण चरणमा पुगिसकेको छ र मध्य वर्षदेखि उत्पादन प्रारम्भ हुने अपेक्षा गरिएको छ। दक्षिण अमेरिकामा ूब्याट्री लिजिङ ं सवारी(विद्युत् पृथकीकरणू मोडेल स्थानीय मोबिलिटी प्लेटफर्महरूसँग सहकार्यमा सुरु गरिएको छ।

यसै सन्दर्भमा, कम्पनीले हालै सार्वजनिक गरेको नयाँ मोडल जेएफ–०६ ले पनि अन्तर्राष्ट्रिय बजारको ध्यान खिचेको छ। इन्टरस्टेलर जियोमेट्रिकू डिजाइन भाषामा निर्माण गरिएको यो मोडलमा तारामय प्रकाश प्रभाव दिने लाइट स्ट्रिप र २५६–रङको एम्बियन्ट लाइटिङसहितको ूलाइट डोमेन सराउन्डिङ ककपिट उपलब्ध छ । जसले यसलाई अत्याधुनिक र कलात्मक बनाएको छ। जेएफ–०६ को समावेशीसँगै, कम्पनीले जेएफ(एस३ ं जेएफ–०६ डुअल मोडल रणनीतिद्वारा एओ र ए सेग्मेन्ट कभर गर्दै उत्पाद पोर्टफोलियोलाई सुदृढ बनाएको छ।

आगामी दिनहरूमा जुनफेङ कम्पनीले डोङफेङको अन्तर्राष्ट्रिय रणनीतिलाई थप मजबुत बनाउँदै लैजाने प्रतिबद्धता जनाएको छ। उत्पादन रणनीतिमा डुअल मोडल अप्रोचलाई अझ परिष्कृत गर्दै, माग अनुरूप नयाँ मोडलहरूको विकास र साना तथा उदीयमान बजारहरूमा पहुँच विस्तार गरिनेछ। बजार रणनीतिमा वर्तमान बजारमा गहिरो उपस्थिति सुदृढ पार्दै, नयाँ बजारहरूको पहिचान गरिनेछ र ब्रान्ड पहिचान तथा प्रतिस्पर्धात्मकता थप मजबुत बनाइनेछ। नवप्रवर्तन र सहकार्यतर्फ, स्थानीय साझेदारहरूसँग मिलेर बुद्धिमानी सवारी प्रविधिमा ध्यान दिइनेछ । स्थानीय उत्पादनलाई प्रोत्साहन दिइनेछ र समग्र मूल्य श्रृंखला सुदृढ गरिनेछ। जुनफेङ कम्पनीले डोङफेङलाई विश्वव्यापी रूपमा अग्रणी चिनियाँ नयाँ ऊर्जा सवारी ब्रान्डको रूपमा स्थापित गर्न निरन्तर योगदान पुर्याउँदै जाने जनाएको छ।