सानिमा क्यापिटलका दुई म्युचुअल फण्डको लाभांश घोषणा

काठमाण्डौ । सानिमा क्यापिटल लिमिटेडका दुई म्युचुअल फण्डहरुले लाभांश घोषणा गरेका छन् । सानिमा ग्रोथ फण्ड र सानिमा लार्ज क्याप फण्डले आव २०८१–८२ को संचित मुनाफाबाट आफ्ना इकाईधनीहरुलाई नगद लाभांश प्रस्ताव गरेको हो ।

सानिमा ग्रोथ फण्डले आफ्ना इकाइधनीहरुलाई १५.७९ प्रतिशत नगद लाभांश (कर सहित) प्रस्ताव गरेको हो भने सानिमा लार्ज क्याप फण्डले २१.०५ प्रतिशत (कर सहित) लाभांश प्रस्ताव गरेको हो ।

सानिमा ग्रोथ फण्डले १० करोड ६१ लाख ८९ हजार रुपैयाँ बराबरको नगद लाभाश दिने निर्णय गरेको छ भने लार्ज क्याप फण्डले २५ करोड २६ लाख ३१ हजार रुपैयाँ बराबरको लाभांश दिने निर्णय गरेको हो ।