.gif)
(1).gif)
(2).gif)
.png)
(1).gif)
.png)
काठमाण्डौ । डिप्रोक्स लघुवित्त वित्तीय संस्थाको खुद नाफा ३३२.३० प्रतिशतले बढेको छ । अघिल्लो आवमा १५ करोड ९८ लाख रुपैयाँ मात्रै नाफा कमाएको यो संस्थाले ६९ करोड ११ लाख रुपैयाँ नाफा कमाएको छ । संस्थाको खुद ब्याज आम्दानीमा सुधार देखिएसँगै नाफा वृद्धिमा टेवा पुगेको हो । गत आवमा संस्थाले १ अर्ब ८३ करोड ५८ लाख रुपैयाँ ब्याज आम्दानी गरेको छ ।
जुन यो अघिल्लो आवको तुलनामा ३४.४५ प्रतिशत बढी हो । संस्थाको खराब कर्जा अनुपात (एनपीएल)भने बढेको छ । अघिल्लो आवमा ५.८९ प्रतिशत रहेको संस्थाको एनपीएल गत आवमा बढेर ७.७३ प्रतिशत पुगेको छ । त्यस्तै, संस्थाको सिडि रेसियो ११२.६७ प्रतिशतबाट बढेर ११२.९७ प्रतिशत, बेस रेट १३.६० प्रतिशतबाट घटेर १२.१२ प्रतिशत, कस्ट अफ फण्ड ९.३४ प्रतिशतबाट घटेर ७.७७ प्रतिशत र स्प्रेड दर ५.५८ प्रतिशतबाट बढेर ७.१३ प्रतिशत पुगेको छ ।
.gif)
.gif)
सो अवधिसम्म एक अर्ब ८६ करोड ८२ लाख रुपैयाँ चुक्तापूँजी रहेको यो संस्थाको रिटेन्ड अर्निङ वृद्धि भई ६० करोड ६४ लाख रुपैयाँ पुगेको छ भने रिभर्जको आकार १ अर्ब २१ करोड ५४ लाख रुपैयाँबाट बढेर १ अर्ब ४२ करोड ७० लाख रुपैयाँ पुगेको छ । सो अवधिसम्म संस्थाको वितरणयोग्य मुनाफा ६० करोड ६४ लाख रुपैयाँ रहेको छ ।
यो नाफा अघिल्लो आवको तुलनामा ८८.८९ प्रतिशत बढी हो । अघिल्लो आवमा संस्थाको वितरणयोग्य मुनाफा १३ करोड ६५ लाख रुपैयाँ मात्रै छुट्याएको थियो । अघिल्लो आवमा १८.८३ प्रतिशत मात्रै लाभांश क्षमता रहेको यो संस्थाको गत आवको लागि भने ३२.४६ प्रतिशत पुगेको छ ।
संस्थाको इपीएस पनि ९.३७ रुपैयाँबाट बढेर ३६.९९ रुपैयाँ पुगेको छ । त्यस्तै, नेवटर्थ २०८.८४ रुपैयाँ, तरलता अनुपात ६.०९ प्रतिशत, पीई रेसियो २३.८५ गुणा र प्रतिसेयर कुल सम्पत्तिको मूल्य १४५१.८० रुपैयाँ रहेको छ ।
.png)
.jpg)
.jpg)
.jpg)
