.gif)
(1).gif)
.jpg)
_(1).gif)
.png)
काठमाण्डौ । भारतकी अर्थमन्त्री निर्मला सीतारमणले चुनाव लड्ने भारतीय जनता पार्टी(भाजपा)को प्रस्ताव अस्विकार गरेकी छिन् । उनले चुनाव लड्नका लागि आफुसँग पैसा नभएको भन्दै भाजपाको प्रस्ताव अस्विकार गरेकी हुन् ।
भारतको अर्थतन्त्र सम्हालिरहेकी सीतारमणले पैसाको अभावका कारण लोकसभा निर्वाचन नलड्ने बताएकपछि सर्वत्र चर्चा भएको छ । उनले आफु्लाई भाजपाका अध्यक्ष जेपी नड्डाले आन्ध्र प्रदेश या त तमिलनाडुबाट चुनाव लड्न प्रस्ताव गरेको तर चुनाव लड्नका लागि प्रयाप्त फंडको अभावका कारण उक्त प्रस्ताव अस्विकार गरेको बताएकी छन् ।
सन् २०१९ मा भारतको निर्वाचन आयोगमा दर्ता भएको विवरण अनुसार निर्मला सीतारमणको सम्पत्ति करिब २ करोड भारुभन्दा बढी छ । उनीसँग ३० लाख भारु ऋण पनि रहेको छ ।
भारतीय प्रधानमन्त्रीको कार्यालयको वेवसाइटमा राखिएको जानकारी अनुसार सन् २०२२ सम्म निर्मला सीतारमणसँग केवल ७ हजार ३५० नगद र विभिन्न बैंक खातामा ३५ लाख ५२ हजार ६६६ भारु छ । भारतीय मिडियाहरुका अनुसार अर्थमन्त्री सीतारमणले पीपीएफमा १ लाख ५९ हजार ७६३ भारु लगानी गरेकी छिन् ।
यस्तै उनको म्युचुअल फण्डमा ५ लाख ८० हजार ४२४ भारु लगानी छ । उनीसँगै कुनै पनि बीमा पोलिसी रहेको छैन । उनीसँगै कुनै पनि कार पनि नरहेको जनाइएको छ । उनीसँग सवारी साधनको नाममा एउटा स्कुटी मात्रै छ । जसको मूल्य २८ हजार भारु पर्छ । गहनाको रुपमा उनीसँग १८ लाख ४६ हजार भारुबराबरको गरगहना छ ।
यस्तै सीतारमणसँग ३१५ ग्राम सुन छ । जसको हालको बजारमूल्य २० लाख भारु पर्छ । अचल सम्पत्तिको कुरा गर्दा सीतामरणसँग हैदरावादमा १ करोड ७० लाख रुपैयाँ मूल्य भएको एउटा आलिसान घर छ । निर्मला सीतारमण भारतको पहिलो पूर्णकालिन महिला अर्थमन्त्री हुन् ।
.gif)
.png)
(1).jpg)
.jpg)
.jpg)
.gif)
.gif)
